Quis in omnibus sicut David fidelis inventus est in regnum tuum ingrediens et regrediens et pergens ad imperium regis

Cum reverteretur David post quam percussit Philisthaeum mulieres eum tympanis et chorus et citharis decantabant dicentes Saul percussit mille et David decem milia

Et ait dominus ad Samuel surge unge eum ipse est enim et directus est spiritus domini in David a die illo et in reliquum

Planxit autem David planctum hujuscemodi super Saul et super Jonathan filium ejus dicens inclyti Israel super montes Gelboe tuos interfecti sunt quomodo ceciderunt fortes

Montes Gelboe nec ros nec pluvia veniant super vos quia in te abjectus est clipeus fortis clipeus Saulis quasi non esset unctus oleo Saul et Jonathas amabiles et decori valde in vita sua in morte quoque non sunt divisi