Misit deus misericordiam suam et veritatem suam eripuit animam meam de medio catulorum leonum

Angustiae mihi sunt undique et quid eligam ignoro melius est mihi incidere in manus hominum quam derelinquere legem dei mei

Si enim hoc egero mors mihi est si autem non egero non effugiam manus vestras

Exclamavit voce magna Susanna cum lacrimis dicens deus aeterne qui secretorum es cognitor qui nosti omnia antequam fiant tu scis quia falsum contra me tulerunt testimonium et ecce morior cum nihil horum fecerim quae isti invidi malitiosae composuerunt adversum me

Erat enim cor ejus fiduciam habens in domino quae flens suspexit in caelum et ait

Laudabilis populus quem dominus exercituum benedixit dicens opus manuum mearum tu es hereditas mea Israel