Esto placabilis super malicia populi tui

Qui caelorum contines thronos et abyssos intueris domine rex regum montes ponderas terram palmo concludis exaudi nos deus in gemitibus nostris

Non enim in justificationibus nostris prosternimus preces ante faciem tuam sed in miserationibus tuis multis

Civitatem istam tu circumda domine et angeli tui custodiant muros ejus exaudi domine populum tuum cum misericordiis

Revertatur obsecro furor tuus a populo tuo et a civitate sancta tua

Docebo te quae ventura sunt populo tuo in novissimis diebus et annuntiabo tibi quod expressum est in scripturis veritatis et nemo est adjutor meus in omnibus his nisi Michael archangelus princeps vester

Ex die qua posuisti cor tuum ad intellegendum ut affligeres te in conspectu domini exaudita sunt verba tua et ego veni propter sermones tuos