Patefactae sunt januae caeli Christi martyri beato Stephano qui in numero sanctorum inventus est primus et ideo triumphat in caelis coronatus

Mortem enim quam salvator dignatus est pro omnibus pati hanc ille primus reddidit salvatori

O beate Stephane quam dulce est pietatis gratia tuum flere martyrum quam carum est amoris causa tuum laudare triumphum qui sicut in utroque polles laudabilis ita in utroque refulges mirabilis

Securus alme pastor de te ipsis sis quae sumus de collegio tuorum sollicitus servulorum quo deum deorum in Sion securi possumus videre

Ora pro nobis beate Stephane*

Lapidabant Stephanum et ipse invocabat dominum dicens ne statuas illis hoc peccatum

Lapides torrentis illi dulces fuerunt ipsum sequuntur omnes animae justae