Surrexit autem Saulus de terra apertisque oculis nihil videbat

Vade Anania et quaere Saulum ecce enim orat quia vas electionis est mihi ut portet nomen meum coram gentibus et regibus et filiis Israel

Dixit autem dominus in visu Ananiae

Saule frater dominus misit me Jesus qui apparuit tibi in via qua veniebas ut videas et implearis spiritu sancto

Et abiit Ananias et introivit in domum et imponens ei manum dixit

Celebremus conversionem sancti Pauli apostoli quia hodie ex persecutore effectus est vas electionis

Gaudent angeli laetantur archangeli et collaudant filium dei

A Christo de caelo vocatus et in terram prostratus ex persecutore effectus est vas electionis et plus omnibus laborans multo amplius inter omnes verbi gratiam seminavit atque doctrinam evangelicam sua praedicatione complevit