Nimis honorati sunt amici tui deus nimis confortatus est principatus eorum

Hoc est praeceptum meum ut diligatis invicem sicut dilexit vos majorem caritatem nemo habet ut animam suam ponat quis pro amicis suis vos amici mei estis si feceritis quae praecipio vobis dicit dominus

Vos autem dixi amicos quia omnia quaecumque audivi a patre meo nota feci vobis

Gloria patri et filio et spiritui sancto

Constitues eos principes super omnem terram memores erunt nominis tui domine in omni generatione et generatione

Propterea populi confitebuntur tibi in aeternum et in saeculum saeculi

Isti sunt triumphatores et amici dei qui contemnentes jussa principum meruerunt praemia aeterna modo coronatur et accipiunt palmam