Honestum fecit illum dominus et custodivit eum ab inimicis et a seductoribus tutavit illum et dedit illi claritatem aeternam

Descenditque cum illo in foveam et in vinculis non dereliquit eum

Beatus vir qui inventus est sine macula et qui post aurum non abiit nec speravit in thesauris pecuniae ideo stabilita sunt bona illius in domino

Potuit enim transgredi et non est transgressus facere mala et non fecit

Invocantem exaudivit dominus sanctum suum dominus exaudivit eum et constituit eum in pace

Laetentur omnes qui sperant in te domine quoniam tu benedixisti justo scuto bonae voluntatis coronasti eum

Domine dominus noster quam admirabile est nomen tuum in universa terra quia gloria et honore coronasti sanctum tuum et constituisti eum super opera manuum tuarum