Alieni insurrexerunt in me et fortes quaesierunt animam meam

Ab insurgentibus in me

Tradiderunt me in manus impiorum et inter iniquos projecerunt me et non pepercerunt animae meae congregati sunt adversum me fortes et sicut gigantes steterunt contra me

Aperuerunt super me ora sua exprobrantes percusserunt maxillam meam satiati sunt poenis meis

Jesum tradidit impius summis principibus sacerdotum et senioribus populi Petrus autem sequebatur a longe ut videret finem

Adduxerunt autem Jesum ad Caipham principem sacerdotum ubi scribae et pharisaei convenerant

Tamquam ad latronem existis cum gladiis # comprehendere me cottidie apud vos eram in templo docens et non me tenuistis et ecce flagellatum ducitis ad crucifigendum

Filius quidem hominis vadit sicut scriptum est de illo vae autem homini illi per quem tradetur

Ab insurgentibus in me libera me domine quia occupaverunt animam meam

Longe fecisti notos meos a me traditus sum et non egrediebar

Captabunt in animam justi et sanguinem innocentem condemnabunt

Foderunt manus meas et pedes meos

Barabbas latro dimittitur et innocens Christus occiditur nam et Judas armis doctus sceleris qui per pacem didicit facere bellum osculando tradidit dominum Jesum Christum

Ecce turba et qui vocabatur Judas venit et cum appropinquaret ad Jesum

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Petrae scissae sunt et monumenta aperta sunt et multa corpora sanctorum qui dormierunt surrexerunt

Proprio filio suo non pepercit deus sed pro nobis omnibus tradidit illum

Anxiatus est in me spiritus meus in me turbatum est cor meum

Ait latro ad latronem nos quidem digna factis recipimus hic autem quid fecit memento mei domine cum veneris in regnum tuum

Dum conturbata fuerit anima mea domine misericordiae memor ero

Replevit et inebriavit me amaritudine inimicus meus

Dederunt in escam*

Posuerunt super caput ejus causam ipsius scriptam Jesus Nazarenus rex Judaeorum

Calicem salutaris*

Dederunt*

Joseph ab Arimathia petiit corpus Jesu et sepelivit eum in sepulcro suo

In pace in idipsum dormiam et requiescam

Habitabit in tabernaculo tuo requiescet in monte sancto tuo

Caro mea requiescet in spe

In pace in idipsum R. Dormiam*

Animam meam dilectam tradidi in manus impiorum et facta est mihi hereditas mea sicut leo in silva dedit contra me vocem adversarius dicens congregamini et properate ad devorandum illum posuerunt me in desertum solitudinis et luxit super me omnis terra quia non est inventus qui me agnosceret et faceret bene

Pastores demoliti sunt vineam meam conculcaverunt partem meam

Caligaverunt oculi mei a fletu meo quia elongatus est a me qui consolabatur me videte omnes populi si est dolor similis sicut dolor meus

O vos omnes qui transitis per viam attendite et videte

Ecce quomodo moritur justus et nemo percipit corde et viri justi tolluntur et nemo consideras a facie iniquitatis sublatus est justus et erit in pace memoria ejus

Et dabit impios pro sepultura et divites pro morte sua

Elevamini portae aeternales et introibit rex gloriae

Credo videre bona domini in terra viventium

Domine abstraxisti ab inferis animam meam

Factus sum sicut*

Jerusalem luge et exue te vestibus jucunditatis induere et cilicio quia in te est occisus salvator Israel

Plange quasi virgo plebs mea ululate pastores

Plange quasi virgo plebs mea ululate pastores in cinere et cilicio quia veniet dies domini magna et amara valde

Ululate pastores et dicite aspergite vos cinere

Agnus dei Christus immolatus est pro salute mundi nam de parentis protoplasti fraude facta condolens quando pomi noxialis morte morsu corruit ipse lignum tunc notavit damna ligni ut solveret

Lustris sex qui jam peractis tempus implens corporis se volente natus ad hoc passioni deditus agnus in cruce levatus immolandus stipite

Deus adjuva me et dominus susceptor est animae meae

In pace factus est locus ejus et in Sion habitatio ejus

Factus sum sicut homo sine adjutorio inter mortuos liber

Tu autem domine miserere mei*

Recessit pastor noster fons aquae vivae ad cujus transitum sol obscuratus est nam et ille captus est qui captivum tenebat primum hominem hodie portas mortis et seras pariter salvator noster dirupit

Destruxit quidem portas inferni et subvertit potentiam diaboli

Aestimatus sum cum descendentibus in lacum factus sum sicut homo sine adjutorio inter mortuos liber

Posuerunt me in lacu inferiori in tenebrosis et in umbra mortis

Sepulto domino signatum est monumentum volventes lapidem ad ostium monumenti ponentes milites qui custodirent illud

Accedentes principes sacerdotum ad Pilatum petierunt ut juberet custodiri sepulcrum ite inquit custodite sicut scitis illi autem abeuntes munierunt illud

O mors ero mors tua morsus tuus ero inferne

Plangent eum quasi unigenitum quia innocens dominus occisus est

Attendite universi populi et videte dolorem meum

A portas inferi erue domine animam meam

Videbunt in quem transfixerunt et plangent se super eum omnes tribus terrae

Christus factus est pro nobis oboediens usque*

Mulieres sedentes ad monumentum lamentabantur flentes dominum

Alleluia alleluia alleluia

Vespere autem sabbati quae lucescit in prima sabbati venit Maria Magdalene et altera Maria videre sepulcrum alleluia

Alleluia alleluia alleluia

Ego sum qui sum et consilium meum non est cum impiis sed in lege domini voluntas mea est alleluia

Postulavi patrem meum alleluia dedit mihi gentes alleluia in hereditatem alleluia

Ego dormivi et somnum coepi et resurrexi quoniam dominus suscepit me alleluia alleluia

Resurrexit dominus*

Dum transisset sabbatum Maria Magdalene et Maria Jacobi et Salome emerunt aromata ut venientes ungerent Jesum alleluia alleluia

Et valde mane una sabbatorum veniunt ad monumentum orto jam sole

Angelus domini descendit de caelo et accendens revolvit lapidem et super eum sedit et dixit mulieribus nolite timere scio enim quia crucifixum quaeritis jam surrexit venite et videte locum ubi positus erat dominus alleluia

Et introeuntes in monumentum viderunt juvenem sedentem in dexteris coopertum stola candida et obstupuerunt qui dixit illis

Et valde mane una sabbatorum veniunt ad monumentum orto jam sole alleluia

Mulieres emerunt aromata summo diluculo veniunt ad monumentum

Gloria patri et filio et spiritui sancto

Et ecce terraemotus factus est magnus angelus enim domini descendit de caelo alleluia

Erat autem aspectus ejus sicut fulgur vestimenta ejus sicut nix alleluia alleluia

Prae timore autem ejus exterriti sunt custodes et facti sunt velut mortui alleluia

Respondens autem angelus dixit mulieribus nolite timere scio enim quod Jesum quaeritis alleluia

Cito euntes dicite discipulis quia surrexit dominus alleluia

Haec dies*

In resurrectione tua Christe*

Et valde mane una sabbatorum veniunt ad monumentum orto jam sole alleluia

Haec dies*

Surrexit dominus de sepulcro*

Haec dies*

Surrexit dominus vere*

Gavisi sunt discipuli*

Et ecce*

Haec dies*

Mane nobiscum domine R. Quoniam advesperascit*

Et respicientes viderunt revolutum lapidem erat quippe magnus valde alleluia

Christus resurgens*

Surrexit dominus de sepulcro*

Dicant nunc*

Dicite in nationibus*

Surrexit dominus vere alleluia