Et adorabunt eum omnes reges omnes gentes servient ei

Veni domine et noli tardare relaxa facinora plebis tuae et revoca dispersos in terram suam

Excita domine potentiam tuam et veni ut salvos facias nos

Ecce radix Jesse ascendet in salutem populorum ipsum gentes deprecabuntur et erit nomen ejus gloriosum

Dabit ei dominus deus sedem David patris ejus et regnabit in domo Jacob in aeternum

Docebit nos dominus vias suas et ambulavimus in semitis ejus quia de Sion exibit lex et verbum domini de Jerusalem

Venite ascendamus ad montem domini et ad domum dei nostri

Confortamini et jam nolite timere ecce deus noster cito veniet et salvos nos faciet

Ecce dominator dominus cum virtute --

Gaudete in domino semper iterum dico gaudete Modestia vestra nota sit omnibus hominibus dominus prope est nihil solliciti sitis sed in omni oratione petitiones vestrae innotescant apud deum

Non cito moveamini a sensu vestro nec terreamini quasi instet dies domini

Aegypte noli flere quia dominator tuus veniet tibi ante cujus conspectum movebuntur abyssi liberare populum suum de manu potentium

Ecce dominator dominus cum virtute veniet

Montes Israel ramos vestros expandite et florete et fructus facite prope est ut veniat dies domini

Florete flores quasi lilium d- -m et frondete in gratia

Veniet dominus et non tardabit et illuminabit abscondita tenebrarum et manifestabit se ad omnes gentes alleluia

Jerusalem gaude gaudio magno quia veniet tibi salvator alleluia

Dabo in Sion salutem et in Jerusalem gloriam meam alleluia

Montes et omnes colles humiliabuntur et erunt prava in directa et aspera in vias planas veni domine et noli tardare alleluia

Juste et pie vivamus exspectantes beatam spem et adventum domini

Miserunt Judaei sacerdotes et levitas ad Joannem ut interrogarent eum tu quis es et confessus est et non negavit et confessus est quia non sum ego Christus alleluia

Ego vox clamantis in deserto dirigite viam domini sicut dixit Isaias propheta

Dicit dominus paenitentiam agite appropinquabit enim regnum caelorum alleluia

Beatam me dicent omnes generationes quia ancillam humilem respexit deus

Erumpant montes jucunditatem et colles justitiam quia lux mundi dominus cum potentia venit alleluia

Veni domine visitare nos in pace ut laetemur coram te corde perfecto

Consurge consurge induere fortitudinem bracchium domini

Elevare elevare consurge Jerusalem solve vincla colli tui captiva filia Sion

Ponam in Sion salutem et in Jerusalem gloriam meam alleluia

Ponent domino gloriam et laudem ejus in insulis nuntiabunt quia ecce veniet et non tardabit

Consolamini consolamini popule meus dicit deus vester

Laetamini cum Jerusalem et exsultate in ea omnes qui diligitis eam in aeternum

Dies domini sicut fur ita in nocte veniet et vos estote parati quia qua hora non putatis filius hominis veniet

Festina ne tardaveris*

Hoc est testimonium quod perhibuit Joannes qui post me venit ante me factus est

Ecce venit plenitudo temporis in quo misit deus filium suum natum de virgine factum sub lege venite adoremus

Canite tuba in Sion vocate gentes annuntiate populis et dicite ecce deus salvator noster adveniet

Annuntiate et auditum facite loquimini et clamate

Non auferetur sceptrum de Juda et dux de femore ejus donec veniat qui mittendus est et ipse erit exspectatio gentium

Pulchriores sunt oculi ejus vino et dentes ejus lacte candidiores

Me oportet minui illum autem crescere qui post me venit ante me factus est cujus non sum dignus corrigiam calciamenti ejus solvere

Ego baptizavi vos aqua ille autem baptizabit vos spiritu sancto

Nascetur nobis parvulus et vocabitur deus fortis ipse sedebit super thronum David patris sui et imperabit cujus potestas super humerum ejus

In ipso benedicentur omnes tribus terrae omnes gentes servient ei

Virgo Israel revertere in civitates tuam usquequo dolens averteris generabis dominum salvatorem oblationem novam in terra ambulabunt homines in salvationem

I- perpetua dilexi te ideo -axi -- | --

Ecce jam venit plenitudo temporis in quo misit deus filium suum in terris natum de virgine factum sub lege ut eos qui sub lege erant redimeret

Propter nimiam caritatem suam qua dilexit nos filium suum misit in similitudinem carnis peccati

Juravi dicit dominus ut ultra jam non irascar super terram montes enim et colles suscipiant justitiam meam et testamentum pacis erit in Jerusalem

Juxta est salus mea ut veniat et justitia mea ut reveletur

Non discedimus a te vivificabis nos domine et nomen tuum invocabimus ostende nobis faciem tuam et salvi erimus

Memento nostri domine in beneplacito populi tui visita nos in salutari tuo

Festina ne*

Intuemini quantus sit iste qui ingreditur ad salvandas gentes ipse est rex justitiae cujus generatio non habet finem

Praecursor pro nobis ingreditur secundum ordinem Melchisedech pontifex factus est in aeternum

Ecce venio cito et merces mea mecum est dicit dominus dare unicuique secundum opera ejus

Haec verba fidelissima et vera et ecce venio velociter

Canite tuba in Sion quia prope est dies domini ecce veniet ad salvandum nos alleluia alleluia

Ecce veniet desideratus cunctis gentibus et replebitur gloria domus domini alleluia

Erunt prava in directa et aspera in vias planas veni domine et noli tardare alleluia

Dominus veniet occurrite illi dicentes magnum principium et regni ejus non erit finis deus fortis dominator princeps pacis alleluia alleluia

Omnipotens sermo tuus domine a regalibus sedibus veniet alleluia

Vox clamantis in deserto parate viam domini rectas facite semitas dei nostri

Festina ne tardaveris domine et libera populum tuum

Excita potentiam tuam et veni

Gloria patri et filio et spiritui sancto

Omnis vallis implebitur et omnis -- et collis humiliabitur et erunt prava indirecta et af- -- domine et noli tardare alleluia

Prope est jam dominus venite adoremus

Ecce veniet dominus princeps regum terrae beati qui parati sunt occurrere illi

Dum venerit filius hominis putas inveniet -- fidem super terram

Ecce jam veniet plenitudo temporis in quo misit deus filium suum in terris

Egredietur dominus de loco sancto suo veniet ut salvet populum suum

Egredietur virga de radice Jesse et replebitur omnis terra gloria domini et videbit omnis caro salutare dei

Rorate caeli desuper et nubes pluant justum aperiatur terra et germinet salvatorem

Emitte agnum domine dominatorem terrae de petra deserti ad montem filiae Sion

Ut cognoscamus domine in terra viam tuam in omnibus gentibus salutare tuum

Da mercedem domine sustinentibus te ut prophetae tui fideles inveniantur

Lex per Moysen data est gratia et veritas per Jesum Christum facta est

Tu Bethleem terra Juda non erit minima ex te enim exiet dux qui regat populum meum Israel

Maria autem conservabat omnia verba haec conferens in corde suo

Clama in fortitudine qui annuntias pacem in Jerusalem dic civitatibus Judae et habitatoribus Sion ecce deus noster quem exspectabamus adveniet

Super montem excelsum ascende tu qui evangelizas Sion exalta in fortitudine vocem tuam

Orietur stella ex Jacob et exsurget homo de Israel et confringet omnes duces alienigenarum et erit omnis terra possessio ejus

De Jacob erit qui dominabitur et perdet reliquias civitatis

Modo veniet dominator dominus et nomen ejus Emmanuel vocabitur

Orietur in diebus ejus justitia et abundantia pacis

Nolite timere quinta enim die veniet ad vos dominus vester

Prophetae praedicaverunt nasci salvatorem de virgine Maria

Spiritus domini super me evangelizare pauperibus misit me

Ecce veniet dominus ut sedeat cum principibus et solium gloriae teneat

Annuntiate populis et dicite ecce deus salvator noster veniet

Missus est Gabriel angelus ad Mariam virginem desponsatam Joseph

Ecce ancilla domini fiat mihi secundum verbum tuum

De Sion veniet dominus omnipotens ut salvum faciat populum tuum

Convertere domine aliquantulum et ne tardes venire ad servos tuos

De Sion veniet qui regnaturus est dominus Emmanuel magnum nomen ejus

Ecce deus meus et honorabo eum deus patris mei et exaltabo eum

Dominus legifer noster dominus rex noster ipse veniet et salvabit nos

Intuemini quantus sit gloriosus iste qui ingreditur ad salvandos populos