O quam gloriosa es virgo quae totius decoris regnas cum domino et adoptato perfrueris thalamo o pia virgo alleluia

O admirabilem feminam quae Romae praetulit Bethleem et auro fulgentia tecta informis luti vilitate commutavit

Omnes suos pauperes pauperior ipsa dimisit pro Christo pauper effecta

O felix ancilla dei nos pondere pressos exonera et fessos mordacibus exue culpis aetheris ut pateat te supplice janua nobis

Adoremus Christum regem qui aeterna sanctam Paulam coronavit gloria

Venerabilis Paula nobilis genere sed nobilior sanctitate enituit

Potens quondam divitiis se exheredavit ut hereditatem inveniret in caelo pauper Christi effecta

Praetulit Romae Bethleem et auro tecta fulgentia informis luti vilitate commutavit

Sancta Paula Gracchorum stirps Pauli haeres nobilis erat genere sed multo nobilior sanctitate

Potens quondam divitiis nunc Christi paupertate insignior

Inter doloris aculeos quos mira patientia sustinebat quasi apertos sibi caelos aspiceret loquebatur

Quis dabit mihi pennas sicut columbae et volabo et requiescam

Sicut inter multas gemmas pretiosa gemma micat et jubar solis parvos stellarum igniculos obscurat ita cunctorum virtutes et potentiam sua humilitate superavit

Quanto se dejiciebat tanto magis a Christo sublevabatur

Jam navis in altum trahebatur et parvus Toxotius manus tendebat in littore et ruffina jam nubilis ut suas exspectaret nuptias tacens fletibus obsecrabat

Illa tamen siccos oculos tenebat ad caelum pietatem in filios pietate in deum superans

Nesciens se matrem ut Christi probaret ancillam amorem filiorum majori Christi amore contempsit

Curiose Christi pauperes tota urbe perquirens damnum putabat si quisquam debilis cibo alterius sustentaretur

Exspoliabat filios et majorem se illis hereditatem Christi misericordiam dimittere loquebatur

Nesciebat se matrem ut Christi probaret ancillam et amorem filiorum majore in deum amore contemnens in solam Eustochium quae comes erat quiescebat

Aversos tenebat oculos ne videret quos sine tormento videre non poterat

Ingressa Christi sepulcrum osculabatur lapidem quem ab ostio sepulcri amoverat angelus et ipsum corporis locum in quo dominus jacuerat quasi sitiens desideratas aquas fidei ore lambebat

Quid ibi lacrimarum quid doloris effuderit testis est dominus quem rogabat

Dum crebrius moneretur ut parceret oculis et eos servaret lectioni aiebat turpanda est facies quam contra dei praeceptum saepe depinxi

Pretiosa serica asperitate cilicii commutanda quae saeculo placui nunc Christo placere desidero

Affligendum corpus quod multis vacavit deliciis longus risus perpeti compensandus est fletu

Paula ardentior fide toto animo salvatori jungebatur et paupererm dominum pauper spiritu sequebatur reddens ei quod acceperat pro ipso pauper effecta

Exheredavit se in terra ut hereditatem inveniret in caelo

Dum sentiret prudentissima feminam adesse mortem et solum animae teporem in sancto pectore palpitare istum versiculum susurrabat

Domine dilexi decorem domus tuae et locum habitationis gloriae tuae

Spiritus defecerat et anhelabat in mortem et anima erumpere gestiens ipsum stridorem quo mortalium vita finitur in laudes domini salvatoris convertebat

Digitumque ad os tenens crucis signum pingebat in labiis

Haec loca sancta tanto ardore ac studio circuivit ut nisi ad reliqua festinaret a primis non posset abduci

Prostrata ante crucem quasi pendentem domini cerneret adorabat

Spiritus defecerat animaque erumpere gestiens ipsum stridorem quo vita finitur in laudes domini vertebat

Translata praesulum manibus juxta specum salvatoris est posita tota ad funus ejus Palaestinarum urbium turba convenit

Viduae et pauperes in exemplum Dorcadis vestes ab ea praebitas ostendebant et omnes matrem se perdidisse clamabant

Nil pallor in facie mutaverat sed ita quaedam dignitas ora repleverat ut eam non putares mortuam sed dormientem

Virgo Eustochium a matre abstrahi non poterat haerere vultui totum corpus amplexari se cum matre velle sepeliri

Secura esto Eustochium magna hereditate ditata es pars tua dominus et quo magis gaudeas mater tua longo martyrio coronata est

Vale sancta Paula multa prosequenda laude cultores tuos tuis apud deum precibus juva fides tua et opera Christo te sociant praesens facilius impetrabis