Viri impii dixerunt opprimamus virum justum injuste et deglutiamus eum tamquam inferi vivum auferamus memoriam illius de terra et de spoliis ejus sortem mittamus inter nos ipsi enim homicidae thesaurizaverunt sibi malum insipientes et maligni oderunt sapientiam et rei facti sunt in cogitationibus suis

Opprobrium factus sum nimis inimicis meis viderunt me et moverunt capita sua adjuva me domine deus meus

Insurrexerunt in me viri iniqui absque misericordia quaesierunt me interficere et non pepercerunt in faciem meam spuere et lanceis vulneraverunt me et concussa sunt omnia ossa mea ego autem aestimabam me tamquam mortuum super terram

Noli esse mihi domine alienus parce mihi in die mala confundantur omnes qui me persequuntur et non confundar ego

Confundantur omnes inimici mei qui quaerunt animam meam ut auferant eam

Dominus mecum est tamquam bellator fortis propterea persecuti sunt me et intellegere non potuerunt domine probans renes et corda tibi revelavi causam meam

Vidisti domine iniquitates eorum adversus me judica judicium meum

Dixerunt impii apud se non recte cogitantes circumveniamus justum quoniam contrarius est operibus nostris promittit se scientiam dei habere filium dei se nominat et gloriatur patrem se habere deum videamus si sermones illius veri sint et si est verus filius dei liberet illum de manibus nostris morte turpissima condemnemus eum

Tamquam nugaces aestimati sumus ab illo et abstinet se a viis nostris tamquam ab immunditiis

Dederunt in esca mea fel R. Et in siti mea potaverunt me aceto

Faciem meam non averti ab increpantibus et conspuentibus in me

Framea suscitare adversus eos qui dispergunt gregem meum

Appenderunt mercedem meam triginta argenteis quos appretiatus sum ab eis

Inundaverunt aquae super caput meum dixi perii invocabo nomen tuum domine deus

Labia insurgentium et cogitationes eorum vide domine

Lustra sex qui jam peracta tempus implens corporis se volente natus ad hoc passioni deditus agnus in crucis levatur immolandus stipite

Eripe me de inimicis meis deus meus R. Et ab insurgentibus in me libera me

Clarifica me pater apud temetipsum claritate quam habui priusquam mundus fieret

Non haberes in me potestatem nisi desuper datum tibi fuisset

Recordare mei domine et tuere me ab his qui persequuntur me

Tibi revelavi causam meam domine defensor vitae meae domine deus meus

Invocabo nomen tuum domine ne avertas faciem tuam a clamore meo

Ait Pilatus mundae sunt manus meae a sanguine hujus justi vos videritis

Inclinavit dominus aurem suam mihi

Vexilla regis prodeunt fulget crucis mysterium quo carne carnis conditor suspensus est patibulo

Eripe me domine ab homine malo R. A viro iniquo libera me

Non haberes in me potestatem nisi desuper datum tibi fuisset

Circumdederunt me viri mendaces sine causa flagellis ceciderunt me sed tu domine defensor vindica mea

Occurrunt turbae cum floribus et palmis redemptori obviam et victori triumphanti digna dant obsequia filium dei ore gentes praedicant et in laude Christi voces tonant per nubila hosanna