Fit porta*

Vox turturis audita est in turribus Jerusalem veni amica mea surge aquilo et veni auster perfla hortum meum et fluent aromata illius
1---efggfe---eD--de--e---e--gh--gfe---e---e---g--hj--kjhg---fed--efgh--defg--ffe---jkkj--hg---jk--l--jhg---hj--j---de-ggh--gf-g---h--fe--e---f---d--dc---deffeD--e---g--fed---g--jkl---kkj--j---k---hggf-e--f---d--f--f--gh---gh--fe--e---4---h--g--h--k--g--e---4

Virgo vitae porta per quem lux est exorta Annam extollamus hymnos concinamus

Vita praesta puram ut mundi per thuram laeti transeamus caelos conscendamus

Assunt Annae sollemnia haec nobis dant solacia nam nobis et filia inclyta tulit gaudia

Alvus Annae concluditur divinitus sed solvitur Maria hinc egreditur salus mundo porrigitur

Annae natae elegitur hanc angelus adloquitur divina vis infunditur Jesus Christus hinc nascitur

Annae laudes persolvere dulce melos depromere pro tanto decet munere quod meruit haec gignere

Annae omnes adplaudite et vos fratres concinite voces in altum tollite laudes deo rependite

Anna sancta fac filiam tuam nobis propitiam ut ipsius per gratiam reducamur ad patriam

Almo patri sit gloria ejus nato victoria spiritui sit gratia per saeculorum saecula amen

Caeli regem attollamus et in vocem erumpamus laudum per tripudia

Qui per Annam radiare sidus fecit salutare matrem plenam gratia

Juncta Joachim legali nexu mente fert aequali legis juga veteris

Tripartite diviserunt bona quaequae possederunt sibi templo miseris

Anna vero deo grata gratiosa sit vocata diu mansit sterilis

Cum marito conversatur prolis paene spe frustratur matrona per nobilis

Hii felices conjugati fructu ventris viduati nasciturum puerum

Summo deo serviturum et in templo permansurum devoverunt tenerum

Offerentes redarguti nil respondent velut muti legis sacerdotibus

Valde sic opprobriosi vivunt satis odiosi suis contribulibus

Pudor dum utrumque pungit Joachim abscedens jungit suis se pastoribus

In deserto merens orat Anna desolata plorat hiis tacta doloribus

Mox in fletu consolantur bona quia nuntiantur affatu angelico

Anna tandem gravidatur et Maria generatur ordine mirifico

Ergo tu cum matre nata dulci nexu sociata culpis nos absolvite

Tu nepoti tuque nato hoste trino superato interventu jungite

Alleluia Oliva caritatis laeta mater Christi matris Anna radix sanctitatis fons et ortus bonitatis tu cum tua nata pia matre dei Maria pro reatu suffragia nostro funde eximia summi patris in praesentia