Beate pontifex pater et patrone noster sancte Wolfgange qui dominum secutus et omnia pro ipso relinquens centuplum in hoc mundo et vitam aeternam recepisti gregem tuum cui praefuisti quem fovisti quem docuisti solita pietate custodiens tuo numquam auxilio paciaris orbari

Eximie praesul et pie pastor noster sancte et beate Wolfgange ovilis olim tibi commissio tuumque tuarum curam et custodiam ne desere sed a spiritalium insidiis luporum et quarumcumque incursionibus tribulationum a te suffragium quaeritantes consueta nos pietate miseratus suscipe

Ut qui te patrono gaudemus tua jugiter patrocinia sentiamus

Gloria patri et filio et spiritui sancto

Florem mirificum Suevia protulit vitam magnificum gratia contulit annis sub teneris munus ut artubus jam vernaret et actibus

Doctor fit pueris primo scholaribus decanus Treviris hinc saecularibus post factus monachus saeculum abjicit abbatique se subjicit

Posthac Pannoniis fidem dum praedicat motus praeconiis Caesar hunc advocat et licet renuat Wolfgangum exsulem dat Ratisbonae praesulem

Ecclesiasticum decus hic integrat claustris monasticum ordinem reparat ad quod Erhardus hunc armat oraculo reliquiae miraculo

Dum sanctus subditos dogmate refovet terrores subitos Sathanas commovet quo victo murmurans languidus decidit quem praesul sanum reddidit

Piis hic studuit semper operibus in fame tribuit victum pauperibus in furto miserum detentum protegit ipsumque veste contegit

Errorem superat hic in heretico et ore reserat multa prophetico dat absens equum mox obstat periculis punit et sanat oculis

Daemones effugans vitat jactantiam tandem praesentiens mortis instantiam sumpto viatico humi provolvitur oransque carne solvitur

Regi post transitum somnis haec exarat post sex ad obitum ille se praeparat sed sceptro postmodum functus edidicit quam vera sanctus scripserit

Decus ingenito patri quam genito cum sancto spiritu sit qui nos merito Wolfgangi civibus jungat angelicis sedilibus in caelicis

Gaudeat tota virgo mater ecclesia egregii praesulis Wolfgangi meritis insignibus jucundata laetetur felix Suevia tam Suavi prole fecundata exsulta precipie civitas Ratisbona tanti pontificis tui doctrina patrociniis et corpore sacro glorisa cujus sacratissimum votis omnibus recolentes translationem ejus pium apud dominum deum nostrum jugiter sentire mereamur suffragium

Jubilemus deo beatorum praesulum regi glorioso qui aeternae gloriae coronam beato dedit pontifici Wolfgango

Vir beatus Wolfgangus in lege domini continuatim meditaturus et in tempore suo fructum virtutum daturus Suaevigena stirpe floruit ortus

Qui praeceptum domini praedicaturus eique in timore serviturus et in monte sancto ejus ab eo constituendus litteratorio a parentibus studio deputatus est

Susceptor et gloria ejus dominus fuit qui caput ipsius exaltans sacris doctrinae suae fluentis mentem ejus ubertim caelitus irrigavit

Gloriosum piissimi patris nostri beati pontificis Wolfgangi translationem venerantes te domine deus noster supplices exoramus ut qui eum eligens talem effecisti ejus nos patrociniis non desinas tueri

Ovem de Suevia procreatum pium Norico destinasti pastorem et patronum

Venerandus dei cultor Wolfgangus dum vita et habitu monachus polleret reverendus ut verbo vitae aliquas domino animas posset lucrifacere Pannoniarum deliberabat gentes invisere

Tenebrosa paganorum corda incognita eatenus evangelii luce cupiens illustrare

Necdum secum sedulis luminaret et suum domino sanctisque ejus votum attentius commendaret in visu ei beatus abbas Othmarus apparuit et eum futura de promotione conversatione felicique obitu praedocens confortavit

Ut eo alacrius animum ad divinum intenderet opus

Gloria patri et filio et spiritui sancto

Christi fidelis tirunculus vanitatem non diligens nec mendacium quaerens a domino mirificatus dulci spiritalium fructu virtutum multiplicatus est

In vita itaque clericali devotus domino astans et quoniam non vult iniquitatem considerans in ipso laetatus et gloriatus ab ipso benedictus et coronatus est

Admirabile nomen domini metuens et ab eo gloria et honore coronari cupiens ad artioris fastigia vitae toto coepit desiderio suspirare

Divino igitur roboratus oraculo beatus Wolfgangus studio verbi accinctus monasterio digreditur et peragrato Norico pannonicos alacer fines ingreditur

Solitudinem sive caenobium corpore relictum mente jugiter deferens secum

Ubi cum veterum frutices errorum exstirpare et steriles squalencium cordium agros evangelico ligone proscindere frugeque fidei inseminare frustra laboraret et piligrimo pataviense pontifice ab incepto revocatus est opere

Tantum colonum insulcis sterilibus laborem expendere condolente

Cum vitam mores et eruditionem viri dei secum hospitantes prudens pontifex animadvertisset virtutibus ejus admodum delectatus felicem vere ecclesiamque illum mereretur antistitem protestatus est

Miratus scilicet virum apostolicis episcopi virtutibus insignitum

Gloria patri et filio et spiritui sancto

In tabernaculis domini habitare et in monte sancto ejus requiescere concupiscens vir beatus sine macula caenobium ingressus monastice jugum devotus subiit regule

Apud sancti denique cellam martyris Meginardi solitariis mente et corpore junctus desiderium cordis sui adeptus vitam quam petiit gloriam et magnum decorem accepit

A domino namque innocens manibus et mundo corde benedictionem et misericordiam accipiens in brevi summis adaequatus immo praelatus est monachis

Studio igitur et petitione venerandi praesulis suffragante et summo pastore gregem suum dementius aspectante beatus Wolfgangus a Caesare Ottone promotus Ratisbonensis ecclesiae pontifex ordinatus est

Adeo electus et ab hominibus honorificatus

Summi itaque culminis sacerdotii sublimatus sanctus pater Wolfgangus quantum in cunctis virtutibus accreverit quam per omnia laudabilis et deo dignus praesul effulserit nulla vox nullus digne efferre sermo poterit

Quam praecipuus in vitae exemplis quam profluus et utilis in doctrinae fuerit verbis

Sancto doctore die quadam verbum vitae asstanti populo studiosius propinante hostis antiquus turbinum fragorem commotionemque pulverulentam concitavit plebemque Trepidantem et hac illac tumultuantem de ecclesia excussit

Sed ipso dominum invocantem mox tranquilitas vidit et populus auditor recurritquem in vidi pravitas hostis

Gloria patri et filio et spiritui sancto

Eximie praesul*

Sollicitus continue pro subjecti gregis conservatione beatus pontifex Wolfgangus quaeque in populo in clero et in caenobiis neglecta prius corrigere studuit indefessus

Antistes sanctus a beato Erhardo in visu postulatus virginis dei genetricis mancipatus obsequele ad sancti oris observantiae profectum visus est adducere

Ad precem ipsius sanctorum reliquiae a sinistro altaris cornu divinitas ad dexterum translatae virginum vitam in melius transferendam fore evidens sancto indicium dedere

Dum venerandi jussionem pontificis quidam devotus perficere pedes laboraret meritis ipsius a domino transmisso mirifice donatus est aequo

Dignum deo sacerdotem tacito quidam corde reprehensum despicere ausus caelitusque statim immisso pavore terribiliter percussus per ipsum prophetico spiritu absentia cognoscentem pristinam recepit sospitatem

Cum beatus antistes Wolfgangus mortalem vitam suam sanctis semper studiis intentam beatifice excurrisset per defluum Danubii cursum aegrotans ad olim sibi in visu praedictam sancti confessoris Othmari navigio devenit ecclesiam dei quam caelitus vocatus asstantibus piae commonitis suum Christo commendans exitum felix emigravit ad dominum

Pretiosum sancti pontificis corpus a venerando archipraesule Artwico dignis exequiis honorifice Ratisbonam relatum et in beati martyris Emmerammi templo tumulatum multa miraculorum gloria a domino refulget mirificatum cujus sacram venerantes memoriam optatam semper suffragantibus meritis ipsius assequamur animae corporisque medelam

In Wolfgangi canamus honore Christo dulce melos dignus pangi translatus in die isto praesul sanctus

Qui nascens ex Suevia hujus mundi levia puer sprevit mox excellens artibus in remotis partibus fama crevit

Post scholarum regimen cogitur ad columen decanatus sed aspernens saeculum fit in claustro speculum monachatus

Demum in Pannonia fidei praeconia frustra serit Ratisbona praesulem Caesar facit exsulum dum non quaerit

Hic errata corrigit lapsis manum porrigit deus illum dirigit prosperando gregem Christi pastibus fovet sine fastibus hostis obstat astibus vigilando

Fraudis haereticae victor propheticae multa praedixit mirifice caelo dans spiritum post ingens meritum gregem defendat nunc creditum