Credo quod redemptor meus

Quem visurus sum ego ipse et

Qui Lazarum resuscitasti de

Anima mea turbata est valde sed tu domine succurre ei

Peccantem me cottidie et non me paenitentem timor mortis conturbat me quia in inferno nulla est redemptio miserere mei deus et salva me

Deus in nomine tuo salvum me fac et in virtute tua libera me

Ne recorderis peccata mea domine dum veneris judicare saeculum per ignem

Dirige domine deus meus in conspectu tuo viam meam

Domine secundum actum meum noli me judicare nihil dignum in conspectu tuo egi ideo deprecor majestatem tuam ut tu deus deleas iniquitatem meam

Amplius lava me domine ab injustitia mea et a delicto meo munda me quia tibi soli peccavi

Libera me domine de viis inferni qui portas aereas confregisti et visitasti infernum et dedisti eis lumen ut viderent te qui erant in poenis tenebrarum

Clamantes et dicentes advenisti redemptor noster

Libera me domine de morte aeterna in die illa tremenda quando caeli movendi sunt et terra dum veneris judicare saeculum per ignem

Judex clementissime in regnum tuum suscipe eas quas pretioso sanguine dignatus es redimere
1-----4

Putasne mortuus homo rursum vivat cunctis diebus quibus nunc milito exspecto donec veniat immutatio mea

Ecce in pulvere sedeo et in pulvere dormio et si mane me quaesieris non subsistam

Redemptor meus vivit et in novissimo [resurgam et renovabuntur denuo ossa mea et in carne mea videbo dominum meum]

[Rogamus te domine deus noster ut suscipias animas nostrorum defunctorum pro quibus sanguinem tuum fudisti recordare] quia pulvis sumus et homo sicut foenum et flos agri

Misericors et miserator et juste domine

Absolve domine animas eorum ab omni vinculo delictorum non eas tormentum mortis attingat non reorum cathena constringat sed miseratio tua in pacis eas ac lucis regione constituat

Si quae illis sint domine digne cruciatibus culpe tu eas gratia lenitatis indulge

Ne tradas domine bestiis animas confitentium tibi et animas pauperum tuorum ne obliviscaris in finem

Memorare quae sit nostra substantia domine et quia non vane constituisti omnes filios hominum

Quomodo confitebor tibi domine deus meus quando veneris in judicio tuo quia cor meum mundum non custodivit animam meam in carne positam pollui templum corporis mei de opere iniquitatis coinquinavi precor te domine antequam discutias me miserere mei

Deus aeterne [in cujus humana conditio potestate constitit animas fidelium defunctorum quaesumus ab omnibus absolve peccatis ut paenitentiae fructum quem voluntas eorum optavit praeventi morte non perdant]

[Redemptor meus vivit et in] novissimo resurgam et renovabuntur denuo ossa mea et in carne mea videbo dominum meum

Lauda anima mea dominum laudabo dominum in vita mea psallam deo meo quam diu ero

Manus tuae domine fecerunt me et plasmaverunt me totum ego autem homo natus de muliere brevi vivens tempore peccavi iniquitatem feci in conspectu tuo

Dum veneris judicare noli me condemnare ne gaudeat inimicus meus super me

Memento quaeso domine quod sicut lutum feceris me et in pulverem reduces me nonne sicut lac mulsisti me et sicut caseum me coagulasti pelle et carne vestisti me ossibus et nervis compegisti me

Vitam et misericordiam tribuisti mihi et visitatio tua custodivit spiritum meum

Rogamus te domine deus noster ut suscipias animas eorum defunctorum pro quibus sanguinem tuum fudisti recordare [quia pulvis sumus et homo sicut foenum et flos agri]

[Deus aeterne] in cujus humana conditio potestate constitit animas omnium fidelium defunctorum quaesumus ab omnibus absolve peccatis ut paenitentiae fructum quem voluntas eorum optavit praeventus mortalitatis non perdat

Qui in cruce positus latronem sero paenitentem suscepisti eorum precamur pie peccata dilue

Averte domine faciem tuam a peccatis meis iniquitates meas non ira tua vindice decernas sed qua soles miseris subvenire pietate tua mihi precor indulge clemens domine

Ad peccandum proni sumus et ad humum tendit humus quid est homo nisi vernis res infirma res inermis quid est homo proles Adae germen nequam dignum clade noli deus hunc damnare qui non potest non peccare noli deus huic irasci qui non potest mundus nasci sicut umbra sicut fumus sicut faenum facti sumus

Heu heu heu mihi mi et ero ubi ubi in die illa ero quo vultu quibus oculis apparebo ubi pietas non erit in judice justus judex aequa lance sua recompensabit unicuique deus judex juste angustiae mihi sunt undique sed tu succurre parce ignosce deus miserere

Virgo dei genetrix stella matris Maria preces emitte atque fidelibus veniam deprecare

Michael princeps militiae caelestis cum omni militia superna eas manu tua in sinum Abrahae praesenta

Baptista domini partriarcharum prophetarumque cunei orate pro eis deum ne locus poenarum eas fatiget in aeternum

Petre cum apostolis dei potestate a deo tibi tradita januam regni caelestis clemens eis aperi

Joannes optime Joannes Christi care qui matri suae te custodem elegit ipsius miserationi animas fidelium commenda quas creavit

Jacobe qui Christi claram faciem meruisti cernere mortalis ne vultus judicialis defunctis sit posce fidelibus exitialis

Stephane miles invicte dei qui pro tuis exorasti inimicis quanto magis adjuva illos qui tuae passioni honorem praebuerunt

Omnes sancti orate pro eis ut adjuncti dextris nihil habeant commune cum sinistris

Creator omnium rerum deus qui me de limo terrae formasti et mirabiliter proprio sanguine redemisti corpusque nostrum licet modo putrescat de sepulcro facias in die judicii resuscitari exaudi exaudi nos ut animam famuli tui et animas omnium fidelium tuorum in sinum Abrahae patriarchae tui jubeas collocari