Quem queritis o tremule mulieres in hoc tumulo plorantes
Iesum Nazarenum crucifixum querimus
Non est hic quem queritis sed cito euntes nunciate discipulis eius et Petro quia surrexit Iesus
Ad monumentum venimus gementes angelum domini sedentem vidimus et dicentem quia surrexit Iesus
Currebant duo simul et ille alius discipulus precucurrit citius Petro et venit prior ad monumentum alleluia
Cernitis o socii ecce lintheamina et sudarium et corpus non est in sepulchro inventum
Venite et videte locum ubi positas erat dominus alleluia alleluia
Surrexit dominus de sepulchro qui pro nobis pependit in ligno alleluia