Regem venturum*
Clama in fortitudine qui annuntias pacem in Jerusalem dic civitatibus Judae et habitatoribus Sion ecce deus noster quem exspectabamus adveniet
Super montem excelsum ascende tu qui evangelizas Sion exalta in fortitudine vocem tuam
Orietur stella ex Jacob et exsurget homo de Israel et confringet omnes duces alienigenarum et erit omnis terra possessio ejus
Et adorabunt eum omnes reges omnes gentes servient ei
Egredietur dominus et proeliabitur contra gentes et stabunt pedes ejus supra montes Olivarum ad orientem
Et elevabitur super omnes colles et fluent ad eum omnes gentes
Prophetae praedicaverunt nasci salvatorem de virgine Maria
Spiritus domini super me evangelizare pauperibus misit me
Propter Sion non tacebo donec egrediatur ut splendor justus ejus
Ecce veniet dominus ut sedeat cum principibus et solium gloriae teneat
Annuntiate populis et dicite ecce deus salvator noster veniet
Verbum supernum prodiens a patre olim exiens qui natus orbi subvenis cursu declivi temporis
Vox clamantis*
Missus est Gabriel angelus ad Mariam virginem desponsatam Joseph