Praecursor pro nobis ingreditur agnus sine macula secundum ordinem Melchisedech pontifex factus est in aeternum et in saeculum saeculi
Ipse est rex justitiae cujus generatio non habet finem
Modo veniet dominator dominus et nomen ejus Emmanuel vocabitur
Et requiescet super eum spiritus domini spiritus sapientiae ac intellectus
Videbunt gentes justum tuum et cuncti reges inclytum tuum et vocabitur tibi nomen novum quod os domini nominavit
Et eris corona gloriae in manu domini et diadema regni in manu dei tui
Propter Sion non tacebo donec egrediatur ut splendor justus ejus
Ad te domine levavi animam meam veni et eripe me domine ad te confugi
Intuemini quantus sit gloriosus iste qui ingreditur ad salvandos populos
Deus a Libano veniet et splendor ejus sicut lumen erit
Veni domine et noli tardare relaxa facinora plebis tuae Israel
Verbum supernum prodiens a patre olim exiens qui natus orbi subvenis cursu declivi temporis
Vox clamantis in deserto*
Ex quo facta est vox salutationis tuae in auribus meis exsultavit in gaudio infans in utero meo alleluia