Cumque aspiceret beatus Stephanus in caelum vidit gloriam dei et ait

In domino deo suo confisus fortis athleta Stephanus lapidum fortiter sustinuit ictus et idcirco ad montem virtutum transmigravit victoriosus

Sine macula beatus Stephanus ingressus est domine in tabernaculum tuum et quia operatus est justitiam requiescit in monte sancto tuo

Domine virtus et laetitia rectorum quoniam tu praevenisti dilectum tibi Stephanum dono gratuitae benedictionis te primum secutus est morte gloriosae passionis unde cum corona martyrii dedisti ei vitam in saeculum saeculi