Maternus vas gratiae vir beatus probus mittitur Germaniae viris cum duobus
Praedicator inclytus Petro constitutus disciplinis caelitus sacris est imbutus
Somno mortis dormiens vivus resurrexit dominus exaudiens sanctos hunc erexit
Lumen vultus domini super hunc signatum corpus praestat homini gratia renatum
Rex et auctor saeculi justo benedixit ob salutem populi mortuus revixit
Coronatur gloria sanctus et honore Gallia Germania noto salvatore