Inclyta devotis colimus sollemnia votis patris Udalrici divine legis amici cujus opes nactus dum vox transfertur in actus dogmatis argentum cumulat simplumque talentum sed tulit istarum lucra secum divitiarum cum sibi tantorum laus ascribatur honorum quot per eum nati Christo meruere beati ergo sui memores meritis licet inferiores hujus amore precum deus annue vivere tecum

Lignum vivarum quod nutrit cursus aquarum extat Udalricus tollens super aethera fructus

Hic specula dignus Sion arcis praeco benignus quae via divina cavet orbi praedicat iram

Victima justitiae cor mactans tollitur iste ad requiem Christum sibi qui pax est et idipsum

Spe redolens morum post cunctis re placitorum

Ne cibus infantis cor summa resolvat amantis

Vera loquens nullumque nocens operatur ad omnes quae bona sunt in te Jesu requiescit et ipse

Corde manu mundus dominum quaerit sitibundus cujus amor satiat nec fastidit satiatus

Lucis ut in verae radiis cor possit habere purior accedit qua nox et mors sibi cedit

Non minor hic Josue prescitus cum Gedeone

Omnibus acceptus pater hoc est culmen adeptus ut regat Augustam sua per documenta venustam

Dum sacra perpetuae celebrat mysteria vitae quae pia vota paret super ipsum dextera claret

Credulus accedens ita gaudet quisque recedens

O pater Udalrice tuis miseratus adesto indignis famulis multum sperantibus in te ut vitam per te mereamur habere perennem alleluia alleluia

Praesul sancte dei precibus dignare tueri nos tua laudantes praeconia teque rogantes ut veniae detur spatium nec vita negetur

Sacerdos dei Udalricus dum ex ergastulo carnis ad aethera esset sublevatus tanta de exanimi ejus corpore suavissimi odoris manavit fragrantia ut cunctorum ibi assistentium perfunderet nares et pectora in cujus veneratione dicamus gloria tibi domine

Cultor dei egregius ad culmen pontificatus divina electione promotus caelestis verbi semina ubique spargebat per fidelium corda

Christe tibi gratum genetrix clarissima natum gignit Udalricum Dietpurgis in orbe colendum

Hunc fore sacra virum monstrant praesagia mirum dum puero fantur juvenemque dona sequantur

Clarus in istarum caligine vir tenebrarum dum micat astrorum non impar lumine morum pascitur aurorae stillantis gaudia rore donec in extremo satietur sole supremo alleluia

Vespera lucescit quae noctis nubila nescit haec requiem praestat postquam nil flebile restat mane sed aeternum radiat regnumque supernum Vespera mane stolam primam notat atque secundam Presul Udalricus quibus in re speque potitus Nos pius indignos illis faciat prece dignos alleluia