Cena facta dixit Jesus discipulis suis amen amen dico vobis unus vestrum est hic qui me traditurus est in hac nocte

Vos vocatis me magister et domine bene dicitis sum etenim si ego lavi vestros pedes dominus et magister et vos debetis alter alterius lavare pedes

Postquam surrexit dominus a cena misit aquam in pelvem coepit lavare pedes discipulorum hoc exemplum reliquit eis

Postquam surrexit dominus a cena misit aquam in pelvem coepit lavare pedes discipulorum hoc exemplum reliquit eis

Si ego dominus et magister vester lavi vobis pedes quanto magis vos debetis alter alterius lavare pedes

Mandatum novum do vobis ut diligatis invicem sicut dilexi vos dicit dominus

Domine tu mihi lavas pedes respondit Jesus et dixit ei et si non lavero tibi pedes non habebis partem mecum

In diebus illis mulier quae erat in civitate peccatrix ut cognovit quod Jesus accubuit in domo Simonis leprosi attulit alabastrum unguenti et stans retro secus pedes domini Jesu lacrimis coepit rigare pedes ejus et capillis capitis sui tergebat et osculabatur pedes ejus et unguento ungebat

Diligamus nos invicem quia caritas ex deo est et qui diligit fratrem suum ex deo natus est et videt deum

In hoc cognoscent omnes quia mei estis discipuli si dilectionem habueritis ad invicem