Per signum crucis de inimicis nostris libera nos deus noster

Salvator mundi salva nos qui per crucem et sanguinem redemisti nos auxiliare nobis te deprecamur deus noster

Adoremus crucis signaculum per quod salutis sumpsimus sacramentum

Adoramus te Christe et benedicimus tibi quia per crucem tuam redemisti mundum

Salva nos Christe salvator per virtutem crucis qui salvasti Petrum in mari miserere nobis

Confessor domini Servati astantem plebem corrobora sancta intercessione ut qui vitiorum pondere premimur beatitudinis tuae gratia sublevemur et te duce aeterna praemia consequamur

Justum deduxit dominus per vias rectas et ostendit illi regnum dei et dedit illi scientiam sanctorum honestavit illum in laboribus et complevit labores illius

Iste cognovit justitiam et vidit mirabilia magna et exoravit altissimum et inventus est in numero sanctorum

Iste homo ab adolescentia sua partim meruit infirmos curare dedit illi dominus claritatem magnam caecos illuminare et daemones effugare

Iste est qui ante deum magnas virtutes operatus est et omnis terra doctrina ejus repleta est ipse intercedat pro peccatis omnium populorum