Ego plantavi Apollo rigavit deus autem incrementum dedit alleluia

Unusquisque propriam mercedem accipiet secundum suum laborem

Libenter gloriabor in infirmitatibus meis ut inhabitet in me virtus Christi

Quando enim infirmor tunc fortior sum et potens

Sancte Paule apostole praedicator veritatis et doctor gentium intercede pro nobis ad deum qui te elegit

Ut digni efficiamur gratia dei

Gratia dei in me vacua non fuit sed gratia ejus semper in me manet

Gratia dei sum id quod sum

Damasci praepositus gentis Aretae regis voluit me comprehendere a fratribus per murum submissus sum in sporta et sic evasi manus ejus in nomine domini

Deus et pater domini mei Jesu Christi scit quia non mentior

Vos qui secuti estis me sedebitis super sedes judicantes duodecim tribus Israel dicit dominus

Cum sederit filius hominis in sede majestatis suae et coeperit judicare saeculum per ignem tunc assistent ante eum omnes chori angelorum et congregabuntur ante eum omnes gentes tunc dicet his qui a dexteris ejus erunt venite benedicti patris mei possidete praeparatum vobis regnum a constitutione mundi et ibunt impii in supplicium sempiternum justi autem in vitam aeternam et regnabunt cum deo in saecula

Ter virgis caesus sum semel lapidatus sum ter naufragium pertuli pro Christi nomine

Vos qui reliquistis omnia et secuti estis me centuplum accipietis et vitam aeternam possidebitis

Dixit Jesus discipulis suis afferte de piscibus quos prendidistis nunc ascendens autem Simon Petrus et traxit rete in terram plenum magnis piscibus alleluia