Haec est dies quam fecit dominus hodie dominus afflictionem populi sui respexit et redemptionem misit hodie mortem quam femina intulit femina fugavit hodie deus homo factus id quod fuit permansit et quod non erat assumpsit ergo exordium nostrae redemptionis devote recolamus et exsultemus dicentes gloria tibi domine

Vidi portam in domo domini clausam et dixit ad me angelus solus dominus veniet ingrediens et egrediens et erit semper clausa

Haec porta clausa erit non (...)

Beatissimae virginis Mariae nativitatem devotissime celebremus ut ipsa pro nobis intercedat ad dominum Jesum Christum

Adest namque nativitas sacratissimae virginis quae ex regali progenie genita genuit Christum regem dominum ipsa intercedat pro peccatis nostris

Fit porta Christi*

Nativitas tua dei genetrix virgo gaudium annuntiavit universo mundo ex te enim ortus est sol justitiae Christus deus noster qui solvens maledictionem dedit benedictionem et confundens mortem donavit nobis vitam sempiternam

In lectulo meo per noctem quaesivi quem diligit anima mea quaesivi illum et non inveni invenerunt me vigiles qui custodiunt civitatem quos cum paululum pertransissem inveni quem diligit anima mea