Omnes gentes quascumque fecisti venient et adorabunt coram te domine

Venite adoremus eum quia ipse est dominus deus noster

Fluminis impetus laetificat alleluia civitatem dei alleluia

Adorate dominum alleluia in aula sancta ejus alleluia

Adorate dominum alleluia omnes angeli ejus alleluia

Ante luciferum genitus et ante saecula dominus salvator noster hodie mundo apparuit

Venit lumen tuum Jerusalem et gloria domini super te orta est et ambulabunt gentes in lumine tuo alleluia

Apertis thesauris suis obtulerunt magi domino aurum tus et myrrham alleluia

Maria et flumina benedicite domino hymnum dicite fontes domino alleluia

Magi viderunt stellam obtulerunt domino aurum thus et myrrham

Hodie caelesti sponso juncta est ecclesia quoniam in Jordane lavit Christus ejus crimina currunt cum muneribus magi ad regales nuptias et ex aqua facto vino laetantur convivae alleluia

Tribus miraculis ornatum diem sanctum colimus hodie stella magos duxit ad praesepium hodie vinum ex aqua factum est ad nuptias hodie a Joanne Christus baptizari voluit ut salvaret nos alleluia

Tria sunt munera quae obtulerunt magi domino aurum thus et myrrham filio dei regi magno alleluia

Lux de luce apparuisti Christe cui magi munera offerunt alleluia alleluia alleluia

Tecum principium*

Ab oriente venerunt magi in Bethleem adorare dominum et apertis thesauris suis pretiosa munera obtulerunt aurum sicut regi magno thus sicut deo vero myrrham sepulturae ejus alleluia

Vidimus stellam ejus in oriente et venimus cum muneribus adorare dominum

Venient ad te qui detrahebant tibi et adorabunt vestigia pedum tuorum

Vox de caelis sonuit et vox patris audita est hic est filius meus in quo mihi complacui ipsum audite

Videntes stellam magi gavisi sunt gaudio magno et intrantes domum obtulerunt domino aurum thus et myrrham

Caeli aperti sunt super eum et vox facta est de caelo dicens hic est filius meus dilectus in quo mihi complacui

Joannes quidem clamabat dicens ego non sum dignus baptizare dominum respondit Jesus et dixit sine modo sic enim decet nos adimplere omnem justitiam

Stella ista sicut flamma coruscat et regem regum deum demonstrat magi eam viderunt et Christo regi munera obtulerunt

Aqua comburit peccatum hodie apparens liberator et rorat omnem mundum divinitatis ope

Pater de caelis filium testificat spiritus sancti praesentia advenit unum edocens qui baptizatur Christus

Baptizatur Christus et sanctificatur omnis mundus et tribuit nobis remissionem peccatorum aqua et spiritu omnes purificemur

Super ripam Jordanis stabat beatus Joannes indutus est splendore baptizans salvatorem baptiza me Joannes baptiza benedico te et tu Jordanis congaudens suscipe me

Ad flumen Jordanis stabat beatus Joannes praecinctus est splendore baptizans -- salvatorem

Baptizat miles regem servus dominum suum Joannes salvatorem aqua Jordanis stupuit columba protestatur paterna vox audita est hic est filius meus

Fontes aquarum sanctificati sunt Christo apparente in gloria orbi terrarum haurite aquas de fonte salvatoris sanctificavit enim nunc omnem creaturam Christus deus noster

Veterem hominem renovans salvator venit ad baptismum ut natura quae corrupta est per aquam recuperaret incorruptibili veste circumamictans nos

Te qui in spiritu et igne purificas humana contagia deum et redemptorem omnes glorificamus

Baptista contremuit et non audet tangere sanctum dei verticem sed clamat cum tremore sanctifica me salvator

Caput draconis salvator conteruit in Jordane flumine ab ejus potestate omnes eripuit

Magnum mysterium declaratur hodie quia creator omnium in Jordane expurgat nostra facinora

Praecursor Joannes exsultat cum Jordane baptizato domino facta est orbis terrarum exsultatio facta est peccatorum nostrorum remissio sanctificans aquas ipsi omnes clamemus miserere nobis

Christo datus est principatus et honor regni omnis populus tribus et linguae servient ei in aeternum

Verbum caro factum*

Fili quid fecisti nobis sic ego et pater tuus dolentes quaerebamus te quid est quod me quaerebatis nesciebatis quia in his quae patris mei sunt oportet me esse

Nuptiae factae sunt in Cana Galilaeae et erat ibi Jesus cum Maria matre ejus

Quid mihi et tibi est mulier nondum venit hora mea et convertit aquam in vinum et crediderunt in eum discipuli ejus hoc initium signorum fecit Jesus et manifestavit gloriam suam

Deficiente vino jussit Jesus implere hydrias aqua quae in vinum conversae sunt alleluia

Domine si tu vis potes me mundare et ait Jesus volo mundare

Cum autem descendisset Jesus de monte ecce leprosus veniens adorabat eum dicens domine si vis potes me mundare et extendens manum tetigit eum dicens volo mundare

Domine puer meus jacet paralyticus in domo et male torquetur amen dico tibi ego veniam et curabo eum

Domine non sum dignus ut intres sub tectum meum sed tantum dic verbo et sanabitur puer meus

Tantum domine dic verbo et sanabitur puer meus

Nam et ego homo sum sub potestate constitutus habens sub me milites et dico huic vade et vadit et servo meo fac hoc et facit

Multi venient ab oriente et recumbent cum Abraham et Isaac et Jacob in regno caelorum alleluia

Ascendente Jesu in naviculam ecce motus magnus factus est in mari et suscitaverunt eum discipuli ejus dicentes domine salva nos perimus

Domine salva nos perimus impera et fac deus tranquillitatem

Domine salva nos perimus impera et fac deus tranquillitatem magnam porro homines cum vidissent quod fecerat signum dicebant qualis est hic quia ventis imperat et mari et oboediunt ei

Surgens Jesus imperavit ventis et mari et facta est tranquillitas magna et mirati sunt universi

Venite*