Fons eterne pietatis lux superne veritatis tibi Christe complacentes Ladislao nos tuente fac consortes eternorum te laudantes gaudiorum

Salve rex benigne Ladislae laude digne honor noster et patrone pie potens tutor bone

Afflictorum portans onus et ad omne pium pronus

Gloria patri et filio et spiritui sancto

Confessor domini Ladislae astantem plebem corrobora sancta intercessione ut qui peccatorum pondere premimur beatitudinis tuae gloria sublevemur et te duce aeterna praemia consequamur

Hic iniquis non consensit quorum viam dum contempsit Christi iugo se subiecit et que deo placent fecit cogitando operando et doctrinam vite dando

Rex a Christo constitutus est ab ipso consecutus quod virtute fit indutus et in monte sancto tutus

Tua Christe est gloria salus et victoria ipse tuus est susceptor idem noster sit protector

Edoctus spiritus sancti gratia beatus rex Ladislaus ruentis mundi gloriam sprevit ut transitoriam secutus est justitiam qui pro Christi gratiam perenni gaudet gloria

Mundum sibi blandientes suos semper seducentes contemnendo superavit et se Christo mancipavit

Diuturnis excubiis in ecclesiis deum instanter obsecrabat jejuniis et vigiliis carnem macerabat mentem roborabat

Ut Isaac exiens in agrum meditabatur dum divine celsitudinis speciem contemplabatur

In judicandis et examinandis causis non potentia sed prudentia decernebat rigori justitiae misericordiae lenitatem preferebat

Disertus in eloquio utilis in silentio cautus in consilio

Gloria patri et filio et spiritui sancto

Invocantem exaudivit in dilectum quem accivit sibi Christus cui donavit summum bonum quod optavit

Scuto bonae voluntatis dono tuae pietatis ipsum Christe coronasti quem ad caelos sublevasti

Admirabile et ineffabile est nomen tuum domine nam in tuo nomine sanctus iste prospere sublimis in aethere tecum gaudet vivere

Justum deduxit*

In naturalibus bonis gratuitisque donis ipsum natura praerogativa praetulerat quae dederat sibi valorem cunctis meliorem

Ladislai species digna fuit imperio veneranda facies angelorum consortio

Hunc circumdat veritas et misericordia osculatur caritas simul cum justitia per hunc ad terrestria prospexit benignitas et dona caelestia nobis dedit deitas

Caecis visus restauravit mutis linguas reseravit rupta membra roboravit dissoluta solidavit

Salve rex*

Domine qui operatus est justitiam et confirmatus est in gratiam nunc in superno solio in sanctorum tripudio felici gaudet gaudio

Ladislaus honoratur cujus caput coronatur regnum ritu generoso de lapide pretioso datur illi dignitas aeterna felicitas

Hic accepit benedictionem quem suscepit in adoptionem deus et devotionem ejus clare commendavit quem heredem adoptavit et in caelis coronavit

De radice regie stirpis propagatus illustris prosapie stemmate praelatus de sancta progenie regum generatus qui virtutum acie viguit stipatus

Moribus nobilior virtutibus clarior quam genere cui vivere Christus est in aethere

Jesu bonae per Ladislai merita nostra nobis dimittas debita domum portam sepulcrum visita et a trina nos morte suscita

Actu mente vel usu perdita pietate restaura solita

Surge gaude Pannonia felix intende prospere ut collauda felicia Ladislai praeconia noctis expelle tedia jam lucis orto sidere

Surge collauda dominum quia de viris sanguinum per hunc salvare voluit et liberare statuit te lucis ante terminum

Gloria patri et filio et spiritui sancto

Sanctus iste indutus est decorem qui secutus salvatorem consecutus est honorem mundi pompis meliorem nam est ejus fortitudo sempiterna sanctitudo

Jubilate et invocate Ladislai praesidium quo per ipsum rex omnium Christus nostrum sit gaudium

Qui passus est propter nos illuminet super nos vultum suum cum gratia in beata gloria

Mundialis fabrice gaudens universitas te beata trinitas benedicit et condicit tibi laudes debitas

Laudet te rex gloriae sancta vox ecclesiae sollemnizans hodie dulci voce melodiae

Ad sacrum cujus*

Os justi*

Benedictus est salvator sanitatis reparator Jesus Christus qui beatum Ladislaum sanitatum decoravit gratia qui mira potentia multis aegrotantibus pluribusque debilibus de salute desperatis mole mortis molestatis divinam medicinam adhibuit et sanitatem tribuit

O sancte rex Ladislae o columna militiae christianae o firmissima spes tuae gentis intuere devotionem populi te quaerentis et sub tuum praesidium confugientis o misericors misericordiam consecutus intercede pro nostra omniumque salute