Distulit tamen diu baptismi gratiam quia tumens inani philosophia volebat humana ratione comprehendere quod pia mens vivacitate fidei nititur apprehendere

Surgens autem post multos circuitus errorum circuibat civitatem per vidos et plateas querendo verum anime virum pro quo ne moreretur dignum iudicarem mori ut eius semper inhereret amori

Inventus igitur a custodibus civitatis et pallio vetustatis ex utus diligenter per tractans cum illis veritatem quem desiderabat invenit et castis eius amplexibus ardenter inhesit

Vulneraverat caritas Christi cor eius et gestabat verba eius in visceribus quasi sagittas acutas et exempla servorum dei quos de mortuis vivos feceras tamquam carbones vastatores

Adest dies celebris quo solutus nexu carnis sanctus presul Augustinus assumptus est cum angelis ubi gaudet cum prophetis letatur cum apostolis quorum plenus spiritu sancto que predixerunt mystica fecit nobis perviam post quos secunda dispensandi verbi dei primus refulsit gratia

Insinuavit ergo per litteras sancto viro Ambrosio presens votum suum ut moneret quid sibi de libris sanctis legendum esset quo percipiende Christiane gratie aptior fieret atque paratior

Tunc vero invisibilia dei per ea que facta sunt intellecta conspexit sed aciem figere non valuit quia non secum ferebat nisi amantem memoriam et quasi olefactam desiderantem qui commedere nondum possit

Verumtamen primam huius lectionem non intelligens totamque talem arbitrans distulit repetendum exercitacior in dominico eloquio

Inde ubi tempus advenit quo nomen ei dare oportet relicto rure Mediolanum remeans baptizatus est a beato Ambrosio fugitque ab eo sollicitudo vite perterrite

Itaque avidissime legere cepit pre ceteris apostolum Paulum et perierunt ille questiones in quibus aliquando visus est ei adversari testimoniis legis et prophetarum textus sermonis eius

Misit ergo dominus in mentem eius visumque est ei in conspectu eius pergere ad simplicianum qui ei bonus apparebat servus dei et lucebat in eo gratia divina

Adiunctus ergo Nebridio et Euodio remeabat ad Africam querens quis eos ad bene vivendum locus haberet utilius sed cum esset apud hostia Tyberina pia mater eius defuncta est

Tunc ait illa filio nulla re iam delector in hac vita cum te contempta felicitate terrena videam servum Christi

Verbum dei usque ad ipsam suam egritudinem in pretermisse alacriter et fortiter sanamente sanoque consilio in sancta ecclesia predicavit membris omnibus sui corporis incolumis integro aspectu atque auditu coram positis fratribus et orantibus dormivit cum patribus suis

Sanctus ergo Valerius ordinator eius exultabat uberius hominem sibi talem datum divinitus qui indoctrina sana edificare ecclesiam esset idoneus

Eodem tempore Fortunatus presbyter Manicheorum versucia plurimos seducebat quem sanctus Augustinus in conventu omnium disputans publice superavit