Inclita sancte virginis Catharine sollempnia suscipiat alacriter pia mater ecclesia ave virgo deo digna ave dulcis et benigna obtine nobis gaudia que possides in gloria

Virgo sancta Catharina Grecie gemma urbe Alexandrine costi regis erat filia

Inter aras idolorum Christum regem angelorum virgo prudens predicavit vana fana properavit

Hanc celestis animavit nuntius ad prelia animando confortavit que divina gratia constanter evacuavit doctorem gymnasia

Nobilis et pulchra prudens Catharina puella flagrat amore dei spernit vana gaudia mundi

Maxentius instat impius dum idolorum cultibus puella voce libera hec sunt clamat demonia

Cesar electos convocat rhetores et grammaticos adversus illam disputatores quos vincens virgo Christi fidem docuit et martyre deo dignos exhibuit

Illa manet constans nec blanda vel aspera curans

Virgo flagellatur crucianda fame religatur carcere clausa manet lux celica fusa refulget flagrat odor dulcis cantant celi agmina laudes

Illa deo dum agit gratias in tenebris lux emicat flagrat odor vincens balsama adest et contio angelica lacerato corpori celestia adhibens medicamina

Horrendo subdendo rotarum machinamento virgo deum clamat de celis angelus astat ecce repentinam dat plebsque roteque ruinam

Post plurima supplicia martyr alma ad decollandum est ducta ad celum tendens oculos collum submittit gladio orans dat gloriam deo

Exspecto pro te gladium Ihesu rex bone tu meum paradiso da spiritum colloca placatissimi et fac misericordiam meam agentibus memoriam

Vox de celo intonuit veni dilecta mea veni intra inthalamum sponsi tui quod postulas impetrasti qui te laudant fient salvi

Quia devotis laudibus tui memoriam digne recolimus o beata Catharina ora pro nobis quesumus

Benedictus dominus rex celestis qui per merita beate Catharine virginis medelam languidis prestat salutis ipsius corporis oleo feliciter perunctis