Pastor cesus in gregis medio pacem emit cruoris precio oletus dolor in tristi gaudio grex respirat pastore mortuo plangens plaudit mater in filio quia vivit victor sub gladio

Adsunt Thome martyris sollempnia virgo mater iubilat ecclesia

Monachus sub clerico clam ciliciatus carne carnis fortior edomat conatus

Cultor agri domini tribulos avellit et vulpes a vineis arcet et expellit

Exulat vir optimus sacer et insignis nec cedat ecclesie dignitas indignis

Exulantis predia preda sunt malignis et in igne positos non exurit ignis

Ex summa rerum letitia summus fit planctus in ecclesia de tanti patroni absencia sed cum redeunt miracula redyt populo leticia

Mundi florem a mundo conteri Rachel plorans iam cessat conqueri Thomas cesus dum datur funeri novus Abel succedit veteri

Vox cruoris vox sparsi cerebris celum replet clamore celebri

Christe Ihesu per Thome vulnera que nos ligant relaxa scelera ne captivos ferat ad infera hostis mundus vel carnis opera

Per te Thoma post leve vulnera amplexetur nos dei dextera

Thomae cedunt et parent omnia pestes morbi mors et demonia ignis aer tellus et maria

Granum cadit copiam germinat frumenti alabastrum frangitur flagrat vis ungenti

Totus orbis martyris certat in amore cuius signa singulos agunt in stupore