Tua Christe est gloria salus et victoria ipse tuus est susceptor idem noster sit protector

Edoctus spiritus sancti gracia beatus rex Ladislaus ruentis mundi gloriam sprevit ut transitoriam secutus est iustitiam qui pro Christi graciam perenni gaudet gloria

Mundum sibi blandientes suos semper seducentes contemnendo superavitet se Christo mancipavit

Diuturnis excubiis in ecclesiis deum instanter obsecrabat ieiuniis et vigiliis carnem macerabat mentem roborabat

Ut Isaac exiens in agrum meditabaturdum divine celsitudinis speciem contemplabatur

In iudicandis et examinandis causis non potentia sed prudentia decernebat rigori iustitie misericordie lenitatem preferebat