Iubilate et invocate Ladislai presidiumquo per ipsum rex omnium Christus nostrum sit gaudium

Qui passus est propter nos illuminet super nos vultum suum cum gracia in beata gloria

Mundialis fabrice gaudet universitas te beata trinitas benedicit et condicit tibi laudes debitas

Laudet te rex glorie sancta vox ecclesie sollempnizans hodie dulci voce melodie

Benedictus est salvator sanitatis reparator Ihesus Christus qui beatum Ladislaum sanitatum decoravit gracia qui mira potentia multis egrotantibus pluribusque debilibus de salute desperatis mole mortis molestatis divinam medicinam adhibuitet sanitatem tribuit

O sancte rex Ladisle o columna militie christiane o firmissima spes tue gentis intuere devotionem populi te querentis et sub tuum presidium confugientis o misericors misericordiam consecutus intercede pro nostra omniumque salute