Summi regis filius nostri regis natum de se specialiter ostendens amatum ne fallat malitia spiritum beatum de macula transtulit sed non maculatum regno mutans stabili mobilem ducatum

Ne vel lentum sentiat in vita reatum vite dedit iuvenis finem properatum

Vite vitat maculam loquens veritatem carnis vincit faculam per virginatatem

In virtute domini Emericus letatur quia virgo virgini Christo sociatur

Hic innocens manibus et in corde mundus celi iunctus civibus gaudet letabundus

Virum ligat pro peccatis papalis sententia quod lorica corpus cingat hac cum penitentia loca sancta lustret pergens per terrarum spatia penitenti vel sic parcat divina clementia