Benedictus es domine in firmamento celorum cuius amoris igne succensa beata martyr Ursula cum sui martyrii beatis consortibus crudeli morte vitam eternam commutavit

Ecce quam pulcher est dilectus iste ecclesie quem tot adulescentularum milia roseis decorata coronis sequuntur laudantes in excelsis

Vox turturis insonuit vinea Christi floruit dum germinant ut palmites per Ursulam tot virgines

Magnificate dominum omnes filii hominum cuius est fortudinis si vincit pulvis et cinis nam nostrum est si perimus tuum Christe si vincimus vince mala firmans bona ut cum hac virginum turba celo simul conregnemus quarum palmis conlaudemus