Domine secundum actum meum noli me judicare nihil dignum in conspectu tuo egi ideo deprecor majestatem tuam ut tu deus deleas iniquitatem meam scio domine quia solus potens es peccata dimitte ideo miserere animae meae

Creator omnium rerum deus qui me de limo terrae formasti et mirabiliter proprio sanguine redemisti corpusque meum licet modo putrescat de sepulchro facias me in die judicii resuscitari miserere miserere mihi domine et animam meam in sinu Abrahae patriarchae tui jubeas collocari