Aleph Quomodo obtexit caligne in furore suo dominus filiam Syon proiecit de celo inclitum in terram Israel et non est recordatus scabelli pedum suorum in die furoris sui

Beth Precipitavit dominus nec pepercit omnia sponsa Iacob destruxit in furore suo municiones virgines Iuda deiecit in terram polluit regnum et principes eius

Gimel Confregit in ira furoris sui omne cornu Israel avertit retrorsum dexteram suam a facie inimici et succendit in Iacob quasi ignem flammae devorantis in gyro

Jerusalem*

Deleth Tetendit arcum suum inimicus firmavit dexteram suam quasi hostis et occidit omne quod pulchrum erat visu in tabernaculo filie Syon effudit quasi ignem indignacionem suam

Hee Factus est dominus velud inimicus precipitavit omnia menia eius dissipavit munitiones eius et replevit in filia Iuda humiliatum et humiliatam

Vav Et dissipavit quasi hortum temptorium suum demolitus est tabernaculum suum oblivioni tradidit dominus in Syon festivitatem et sabbatum et obprobrio indignacione furoris sui regem et sacerdotem

Jerusalem*

Zay Repulit dominus altare suum maledixit sanctificacioni sue tradidit in manu inimici muros turrium eius vocem dederunt in domo domini sicut in die sollempni

Heth Cogitavit dominus dissipare murum filie Syon tetendit funiculum suum et non avertit manum suam a perdicione

Teth Luxitque antemurale et murus pariter dissipatus est defixe sunt in terra porte eius perdidit et contrivit vectes eius regem eius et principes eius in gentibus non est lex et prophete eius non invenerunt visionem a domino

Jerusalem*

Proprio filio suo non pepercit deus sed pro nobis omnibus tradidit illum

Aleph Quomodo obscuratum est aurum mutatus est color optimus dispersi sunt lapides sanctuary in capite omnium platearum

Beth Filii Syon incliti et amicti auro primo quomodo reputati sunt in vasa testea opus manuum figili

Gymel Sed et lamie eius nudaverunt mammas lactaverunt catulos suos filia populi mei crudelis quasi strucio in deserto

Deleth Adhesit lingua lactantis ad palatum eius in siti parvuli pecierunt panem et non erat qui frangeret eis

Jerusalem Jerusalem

Hee Qui vescebantur voluptuose interierunt in viis qui nutriebantur in croceis amplexati sunt stercora

Vav Et maior effecta est iniquitas filie populi mei peccato Sodomorum que subversa est in momento et non ceperunt in ea manus

Zay Candidiores Nazarei eius nive nitidiores lacte rubicundiores ebore antiquo saphiro pulchriores

Beth Denigrata est super carbones facies eorum et non sunt cogniti in plateis adhesit cutis eorum ossibus aruit et facta est quasi lignum

Jerusalem*

Oratio Jeremiae prophetae

Recordare domine quid acciderit nobis intuere et respice obprobrium nostrum

Hereditas nostra versa est ad alienos domus nostre ad extraneos

Pupilli facti sumus absque patre matres nostre quasi vidue

Aquam nostram pecunia bibimus ligna nostra precio conparavimus

Cervicibus minabamur lassis non dabatur requies

Aegypto dedimus manum et Assyriis ut saturaremur pane

Patres nostri peccaverunt et non sunt nos autem iniquitatem eorum portavimus

Servi dominati sunt nostri non fuit qui redimeret de manibus eorum

In manibus nostris afferebamus panem nobis a facie glady in deserto

Pellis nostra quasi clibanus exusta est a facie tempestatum et famis

Mulieres in Syon humiliate sunt virgines in civitatibus Iuda

Cecidit corona capitis nostri ve nobis quia peccavimus

Tu autem domine in eternum permanebis et solium tuum in generacione et generacionem

Quare in perpetuum obliviscaris nostri et derelinques nos in longitudinem dierum

Converte nos domine et convertemur innova dies nostros sicut a principio

Sed proiciens repulisti nos iratus es contra nos vehementer

Jerusalem Jerusalem