Gabrielem archangelum credimus divinitus te esse affatum uterum tuum de spiritu sancto credimus impraegnatum erubescat Judaeus infelix qui dicit Christum de Joseph semine esse natum

Gloria patri et filio et spiritui sancto

Simeon justus et timoratus exspectabat redemptionem Israel et spiritus sanctus erat in eo

Responsum accepit Simeon a spiritu sancto non visurum se mortem nisi videret dominum

Accipiens Simeon puerum in manibus gratias agens benedixit dominum

Nunc dimittis domine servum tuum in pace quia viderunt oculi mei salutare tuum

Lumen ad revelationem gentium et gloriam plebis tuae Israel

Suscepimus deus misericordiam tuam

In medio templi tui secundum nomen tuum

Nunc dimittis domine servum*

Cum inducerent puerum Jesum parentes ejus accepit eum Simeon in ulnas suas et benedixit deum dicens nunc dimittis domine servum tuum in pace

Adorna thalamum tuum Sion et suscipe regem Christum quem virgo concepit virgo peperit virgo post partum quem genuit adoravit

Hodie Maria virgo puerum offerens in templum quem Simeon senex accepit in bracchia et Anna vidua Christum agnovit advenisse in terris

Tolle puerum et matrem ejus et vade in terram Juda

Revertere in terram Juda mortui sunt enim qui quaerebant animam pueri