Pacifice loquebantur mihi inimici mei et in ira molesti erant mihi vidisti domine ne sileas ne discedas a me

Omnes inimici mei adversum me cogitabant mala mihi verbum iniquum mandaverunt adversum me

In te jactatus sum ex utero de ventre matris meae deus meus es tu ne discedas a me quoniam tribulatio proxima est et non est qui adjuvet

Erue a framea deus animam meam et de manu canis unicam meam

Vide domine afflictionem meam quoniam erectus est inimicus meus

In tribulatione invocavi dominum et exaudivit me in latitudine

Judicasti domine causam animae meae defensor vitae meae domine deus meus

Popule meus quid feci tibi aut quid molestus fui tibi responde mihi

Numquid redditur pro bono malum quia foderunt foveam animae meae

Erue a framea deus animam meam et de manu canis unicam meam

Eripe me domine ab homine malo a viro iniquo libera me

Dixit Jesus turbis quis ex vobis arguet me de peccato si veritatem dico quare vos non creditis mihi qui est ex deo verba dei audit propterea vos non auditis quia ex deo non estis