Admirabile est nomen tuum domine quia gloria et honore coronasti sanctos tuos et constituisti eos super opera manuum tuarum

Domine qui operati sunt justitiam habitabunt in tabernaculo tuo et requiescent in monte sancto tuo

Haec est generatio quaerentium dominum quaerentium faciem dei Jacob

Laetamini in domino et exsultate justi et gloriamini omnes recti corde

Exsultent justi R. In conspectu*

Hodie dilectissimi omnium sanctorum sub una sollemnitate celebremus festivitatem quos terra editos pretiosus Christi sanguis gratuita pietate ad caelestia evocavit quorum societate caelum exsultet quorum patrociniis terra laetatur quorum triumphis ecclesia sancta coronatur