Nolite timere eos qui corpus occidunt animam autem non possunt occidere dicit dominus

Beati mundo corde quoniam ipsi deum videbunt

Beati qui persecutionem patiuntur propter justitiam

Tradent enim vos in conciliis et in synagogis suis flagellabunt vos et ante reges et praesides ducemini propter me in testimonium illis et gentibus

Isti viventes in carne plantaverunt ecclesias sanguine suo non sunt de terra corpora eorum separata quorum merita sunt in caelis animae sanctorum coaequales

Tollite jugum meum super vos quia mitis sum et humilis corde

Jugum enim meum suave est et onus meum leve dicit dominus

Manete in dilectione mea sicut dilexi vos dicit dominus

Vos estis lux mundi hujus in patientia possidebitis animas vestras

Dico autem vobis amicis meis ne terreamini ab his qui vos persequuntur

Non vos me elegistis sed ego elegi vos et posui vos ut eatis et fructum afferatis et fructus vester maneat

Isti sunt triumphatores et amici dei qui contemnentes jussa principum meruerunt praemia aeterna modo coronantur et accipiunt palmam