Bethleem civitas dei summi ex te exiet dominator Israel et egressus ejus sicut a principio dierum aeternitatis et magnificabitur in medio universae terrae et pax erit in terra nostra dum venerit

Deus a Libano veniet*

Qui venturus est veniet et non tardabit jam non erit timor in finibus nostris quoniam ipse est salvator noster

Ex Sion species decoris ejus deus noster manifeste veniet

Erumpent montes jucunditatem et colles justitiam quia lux mundi dominus cum potentia venit

Laetamini cum Jerusalem et exsultate in ea omnes qui diligitis eam

Bethleem non es minima in principibus Juda ex te enim exiet dux qui regat populum meum Israel ipse enim salvum faciet populum suum a peccatis eorum

Suscipe verbum virgo Maria quod tibi a domino per angelum transmissum est concipies per aurem deum paries et hominem ut benedicta dicaris inter omnes mulieres

Ave Maria*

Aegypte noli flere quia dominator tuus veniet tibi ante cujus conspectum movebuntur abyssi liberare populum suum de manu potentiae

Ecce dominator*

Prope est ut veniat tempus ejus et dies ejus non elongabuntur miserebitur dominus Jacob et Israel salvabitur

Qui venturus est veniet et non tardabit jam non erit timor in finibus nostris quoniam ipse est salvator noster

Descendet dominus sicut pluvia in vellus orietur in diebus ejus justitia et abundantia pacis

A solis ortu*

Ite dicite Joanni caeci vident et surdi audiunt claudi curantur leprosi mundantur

Ecce apparebit dominus et non mentientur si moram fecerit exspecta eum quia veniet et non tardabit

Ecce dominator*

Veni domine et noli tardare relaxa facinora plebis tuae et revoca dispersos in terram Juda

A solis ortu*

Ecce radix Jesse ascendet in salutem populorum ipsum gentes deprecabuntur et erit nomen ejus gloriosum

Deus a Libano veniet*

Docebit nos dominus vias suas et ambulabimus in semitis ejus quia de Sion exibit lex et verbum domini de Jerusalem

Ex Sion species decoris*

Veniet dominus et non tardabit et illuminat abscondita tenebrarum et manifestabit se ad omnes gentes alleluia

Jerusalem gaude gaudio magno quia veniet tibi salvator alleluia

Dabo in Sion salutem et in Jerusalem gloriam meam alleluia

Montes et omnes colles humiliabuntur et erunt prava in directa et aspera in vias planas veni domine et noli tardare alleluia

Juste et pie vivamus exspectantes beatam spem et adventum domini

Emitte agnum domine dominatorem terrae

De petra deserti ad montem filiae Sion

Joannes autem cum audisset in vinculis opera Christi mittens duos de discipulis suis ait illi tu es qui venturus es an alium exspectamus

Super te Jerusalem orietur dominus

Et gloria ejus in te videbitur

Tu es qui venturus es an alium exspectamus dicite Joanni quae vidistis ad lumen redeunt caeci mortui resurgunt pauperes evangelizantur alleluia

Dicit dominus paenitentiam agite appropinquabit enim regnum caelorum alleluia

Consurge consurge induere fortitudinem bracchium domini

Elevare elevare consurge Jerusalem solve vincla colli tui captiva filia Sion

Ponam in Sion salutem et in Jerusalem gloriam meam alleluia

Ponent domino gloriam et laudem ejus in insulis nuntiabunt quia ecce veniet et non tardabit

Consolamini consolamini popule meus dicit deus vester

Laetamini cum Jerusalem et exsultate in ea omnes qui diligitis eam in aeternum

Dies domini sicut fur ita in nocte veniet et vos estote parati quia qua hora non putatis filius hominis veniet

Hoc est testimonium quod perhibuit Joannes qui post me venit ante me factus est

Quomodo fiet istud angele dei quia virum in concipiendo non pertuli audi Maria virgo Christi spiritus sanctus superveniet in te et virtus altissimi obumbrabit tibi

Missus est Gabriel angelus ad Mariam virginem desponsatam Joseph

Dabit ei dominus sedem David patris sui et regnabit in aeternum

Quomodo fiet istud quia virum non cognosco angele dei

Ecce ancilla domini fiat mihi secundum verbum tuum

Ex quo facta est vox salutationis tuae in auribus meis exsultavit in gaudio infans in utero meo alleluia

Intuemini quantus*

Omnis vallis implebitur et omnis mons et collis humiliabitur et videbit omnis caro salutare dei

Tollite jugum*

Ecce ego*

O Thoma Didyme per Christum quem meruisti tangere te precibus rogamus altissonis succurre nobis miseris ne damnemur cum impiis in die judicis

Hoc est praeceptum*

Thomas qui dicitur Didymus*

Nolite timere quinta enim die veniet ad vos dominus vester

Juravit dominus*

Quia vidisti me*

O sapientia quae ex ore altissimi prodisti attingens a fine usque ad finem fortiter suaviter disponensque omnia veni ad docendum nos viam prudentiae

O adonai et dux domus Israel qui Moysi in igne flammae rubi apparuisti et ei in Sina legem dedisti veni ad redimendum nos in bracchio extento

O radix Jesse qui stas in signum populorum super quem continebunt reges suum quem gentes deprecabuntur veni ad liberandum nos jam noli tardare

O clavis David et sceptrum domus Israel qui aperis et nemo claudit claudis et nemo aperit veni et educ vinctos de domo carceris sedentes in tenebris et umbra mortis

O oriens splendor lucis aeternae et sol justitiae veni et illumina sedentes in tenebris et umbra mortis

O rex gentium et desideratus earum lapisque angularis qui facis utraque unum veni salva hominem quem de limo formasti

O rex pacifice tu ante saecula nate per auream egredere portam redemptos tuos visita et eos illuc revoca unde ruerunt per culpam

O Emmanuel rex et legifer noster exspectatio gentium et salvator earum veni ad salvandum nos domine deus noster

O Gabriel nuntius caelorum qui januis clausis ad me intrasti et verbum nuntiasti concipies et paries Emmanuel vocabitur

O Jerusalem civitas dei summi leva in circuitu oculos tuos et vide dominum deum tuum quia jam veniet solvere te a vinculis

O virgo virginum quomodo fiet istud quia nec primam similem visa est nec habere sequentem filiae Jerusalem quid me admiramini divinum est mysterium hoc quod cernitis

O mundi domina regio ex semine orta ex tuo jam Christus processit alvo tamquam sponsus de thalamo hic jacet in praesepio qui et sidera regit

Non auferetur*

Vigilate animo in proximo est dominus deus noster

Scientes*

Canite tuba in Sion vocate gentes annuntiate populis et dicite ecce deus salvator noster adveniet

A solis ortu*

Vigesima quarta die decimi mensis jejunabitis dicit dominus et mittam vobis salvatorem et propugnatorem pro vobis qui vos praecedat et introducat in terram quam juravi patribus vestris

Ego sum dominus deus vester qui eduxi vos de terra Aegypti

Non auferetur sceptrum de Juda et dux de femore ejus donec veniat qui mittendus est et ipse erit exspectatio gentium

Pulchriores sunt oculi ejus vino et dentes ejus lacte candidiores

Me oportet minui illum autem crescere qui post me venit ante me factus est cujus non sum dignus corrigiam calciamenti ejus solvere

Hoc est testimonium quod perhibuit Joannes

Bethleem*

Ecce jam veniet princeps regum terrae plenitudo temporis in quo misit deus filium suum in terris natum de virgine factum sub lege ut eos qui sub lege erant redimeret

Prope est ut veniat tempus ejus et dies ejus non elongabuntur

Virgo Israel revertere in civitates tuas usquequo dolens averteris generabis dominum salvatorem oblationem novam in terra ambulabunt homines in salvationem

A solis ortu*

Juravi dicit dominus ut ultra jam non irascar super terram montes enim et colles suscipiant justitiam meam et testamentum pacis erit in Jerusalem

A solis ortu*

Non discedimus ad te vivificabis nos domine et nomen tuum invocabimus ostende nobis faciem tuam et salvi erimus

Domine deus virtutum converte nos

A finibus terrae laudes audivimus gloriam justi alleluia

Intuemini quantus sit iste qui ingreditur ad salvandas gentes ipse est rex justitiae cujus generatio non habet finem

Et dominabitur a mari usque ad mare

Festina ne tardaveris domine et libera populum tuum

Veni domine et noli tardare relaxa facinora plebis tuae

Egredietur virga de radice Jesse et flos de germine ejus ascendet et erit justitia cingulum lumborum ejus et fides cinctorium renum ejus

Et requiescet super eum spiritus domini spiritus sapientiae et intellectus