Christo datus est*

In columbae specie*

Fontes aquarum*

Veterem hominem renovans salvator venit ad baptismum ut natura quae corrupta est per aquam recuperaret incorruptibili veste circumamictans nos

Te qui in spiritu et igne purificas humana contagia deum ac redemptorem omnes glorificamus

Baptista contremuit et non audet tangere sanctum dei verticem sed clamat cum tremore sanctifica me salvator

Caput draconis salvator conteruit in Jordane flumine ab ejus potestate omnes eripiens

Magnum mysterium declaratur hodie quia creator omnium in Jordane expurgat nostra facinora

Praecursor Joannes exsultat cum Jordane baptizato domino facta est orbis terrarum exsultatio facta est peccatorum nostrorum remissio sanctificans aquas ipsi omnes clamemus miserere nobis

Lux de luce apparuisti Christe*

Aqua comburit peccatum hodie apparens liberator et rorat omnem mundum divinitatis ope

Pater de caelis filium testificans spiritus sancti praesentia advenit unum edocens qui baptizatur Christus

Baptizatur Christus et sanctificatur omnis mundus et tribuit nobis remissionem peccatorum aqua et spiritu omnes purificans

Veterem hominem*

Tria sunt munera pretiosa*

Tribus miraculis*

Hic est dies praeclarus*

Ecce completa sunt omnia quae dicta sunt per angelum de virgine Maria