Regem regum dominum venite adoremus quia ipse est corona innocentium

Secus decursus aquarum plantavit vineam justorum sed in lege domini fuit voluntas eorum

Praedicantes praeceptum domini constitutui sunt in monte sancto ejus

Filii hominum scitote quia dominus sanctos suos mirificavit

Scuto bonae voluntatis tuae coronasti eos domine

In universa terra gloria et honore coronasti eos

Habitabunt in tabernaculo tuo requiescet in monte sancto tuo

Sub altare dei audivi voces occisorum dicentium quare non defendis sanguinem nostrum et acceperunt divinum responsum adhuc sustinete modicum tempus donec impleatur numerus fratrum vestrorum

Vidi sub ara dei animas occisorum propter verbum dei quod habebant et clara voce dicebant

Effuderunt sanguinem sanctorum velut aquam in circuitu Jerusalem et non erat qui sepeliret