Regem vivorum acquiescentium dominum venite adoremus

Dirige domine deus meus in conspectu tuo viam meam

Convertere domine et eripe animam meam quoniam non est in morte qui memor sit tui

Nequando rapiat ut leo animam meam dum non est qui redimat neque qui salvum faciat

Convertere domine et eripe animam meam

Credo quod redemptor meus vivit et in novissimo die de terra surrecturus sum et in carne mea videbo deum salvatorem meum

Quem visurus sum ego ipse et non alius et oculi mei conspecturi sunt

Qui Lazarum resuscitasti a monumento foetidum tu eis domine dona requiem et locum indulgentiae

Requiem aeternam dona eis domine et lux perpetua luceat eis

Domine quando veneris judicare terram ubi me abscondam a vultu irae tuae quia peccavi in vita mea

Commissa mea domine pavesco et ante te erubesco dum veneris judicare noli me condemnare

In loco pascuae ibi me collocavit

Delicta juventutis meae et ignorantias mea ne memineris domine

Credo videre bona domini in terra viventium

Ne derelinquas me domine deus meus

Heu mihi domine quia peccavi nimis in vita mea quid faciam miser ubi fugiam nisi ad te deus meus miserere mei dum veneris in novissimo die

Anima mea turbata est valde sed tu domine succurre ei

Peccantem me cottidie et nec me paenitentem timor mortis conturbat me quia in inferno nulla est redemptio miserere mei deus et salva me

Deus in nomine tuo salvum me fac et in virtute tua libera me

Ne recorderis peccata mea domine dum veneris judicare seculum per ignem

Dirige domine deus meus in conspectu tuo viam meam

Anima mea exsultabit in domino et delectabitur in salutari suo

Complaceat tibi domine ut eripias me ad adjuvandum me respice

Sitivit anima mea ad deum vivum quando veniam et apparebo ante faciem domini

Ego dixi domine miserere mei*

Domine secundum actum meum noli me judicare nihil dignum in conspectu tuo egi ideo deprecor majestatem tuam ut tu deus deleas iniquitatem meam

Amplius lava me ab injustitia mea et a delicto meo munda me

Libera me domine de viis inferni qui portas aereas confregisti et visitasti infernum et dedisti eis lumen ut viderent te qui erant in poenis tenebrarum

Clamantes et dicentes advenisti redemptor noster

Requiem aeternam dona eis domine et lux perpetua luceat eis

Qui Lazarum resuscitasti a monumento foetidum tu eis domine dona requiem

Libera me domine de morte aeterna in die illo tremendo quando caeli movendi sunt et terra

Tremens factus sum ego et timeo cum discussio venerit atque ventura ira

Dies illa dies irae calamitatis et miseriae dies magna et amara valde

Quid ego miserrimus quid dicam aut quid faciam cum nil boni perferam ante talem judicem

Vix justus salvabitur et iniquus condemnabitur ante tribunal Judicis

Plangent se super se omnes tribus terrae quoniam videbunt in quem transfixerunt

In iniquitatibus conceptus sum peccavi coram te domine miserere mei

Exsultabunt domino ossa humiliata

Exaudi domine orationem meam ad te omnis caro veniet

Me suscepit dextera tua domine

Eruisti domine animam meam ne periret

Omnis spiritus laudet dominum

Requiem aeternam*

Ego sum resurrectio et vita qui credit in me etiam si mortuus fuerit vivet et omnis qui credit in me non morietur in aeternum

Circumdederunt*

Omne quod dat mihi pater ad me veniet et eum qui venit ad me non ejiciam foras

Subvenite sancti dei*

Antequam nascerer*

In paradisum deducant te angeli in tuo adventu suscipiant te martyres et perducant te in civitatem sanctam Jerusalem

Tu jussisti nasci me domine tu promisisti ut resurgerem jusso tuo venient sancti ne derelinquas me quia pius es

Aperite mihi portas justitiae ingressus in eas confitebor domino haec porta domini justi intrabunt in eam

Ingrediar in locum tabernaculi admirabilis usque ad domum dei

De terra formasti eum et carnem induisti eum redemptor meus domine resuscita me in novissimo die

Haec requies mea in saeculum saeculi hic habitabo quoniam elegi eam

Requiem aeternam dona eis domine et lux perpetua luceat eis

Placebo domino in regione vivorum

Heu me quia incolatus meus prolongatus est

Dominus custodit te ab omni malo custodiat animam tuam dominus

Si iniquitates observaberis domine domine quis sustinebit

Opera manuum tuarum domine ne despicias

Absolve domine animas eorum ab omni vinculo delictorum ut in resurrectionis gloria inter sanctos tuos resuscitati respirent

Audivi vocem de caelo dicentem beati mortui qui in domino moriuntur

Circumdederunt me gemitus mortis dolores inferni circumdederunt me praeoccupaverunt me nimis laquei mortis domine miserere