Priusquam te formarem in utero novi te et antequam exires de ventre sanctificavi te et prophetam in gentibus dedi te

Vir dilectus a deo et ab hominibus honorificatus est

Posuit os meum dominus quasi gladium acutum sub umbra manus suae protexit me

Formans me ex utero servum sibi dominus in lucem gentium ut sim salus ejus ab extremis terrae

Reges videbunt et consurgent principes et adorabunt dominum deum tuum qui elegit te

Ex utero senectutis et sterili Joannes natus est praecursor domini

Ipse praeibit ante illum in spiritu et virtute Eliae parare domino plebem perfectam

Joannes est nomen ejus vinum et siceram non bibet et multi in nativitate ejus gaudebunt

Descendit angelus domini ad Zachariam dicens accipe puerum in senectute tua et habebit nomen Joannes Baptista

Iste puer magnus coram domino nam et manus ejus cum ipso est