Rex gloriose*

Laetamini in domino et exsultate justi

Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo exsultant sine fine

Regem martyrum dominum venite adoremus

Venite adoremus regem martyrum dominum

Secus decursus aquarum plantavit vineam justorum sed in lege domini fuit voluntas eorum

Sancti qui sperant in domino habebunt fortitudinem assument pennas ut aquilae volabunt et non deficient

Justi autem in perpetuum vivent et apud dominum est merces eorum

Laetamini in domino et exsultate justi

Absterget deus omnem lacrimam ab oculis sanctorum et jam non erit amplius neque luctus neque clamor sed nec ullus dolor quoniam priora transierunt

Justorum animae in manu dei sunt et non tanget illos tormentum malitiae

Viri sancti gloriosum sanguinem fuderunt pro domino amaverunt Christum in vita sua imitati sunt eum in morte sua et ideo coronas triumphales meruerunt

Unus spiritus et una fides erat in eis

Tradiderunt corpora sua propter deum ad supplicia et meruerunt habere coronas perpetuas

Isti sunt qui venerunt ex magna tribulatione et laverunt stolas suas in sanguine agni

Tamquam aurum in fornace probavit electos dominus et quasi holocausta accepit eos in aeternum

Si coram hominibus tormenta passi sunt spes electorum est immortalis in aeternum

Ecce merces sanctorum copiosa est apud deum ipsi vero mortui sunt pro Christo et vivent in aeternum

Exsultent justi in conspectu dei

In circuitu tuo domine lumen est quod numquam deficiet ubi constituisti lucidissimas mansiones ibi requiescunt sanctorum animae

Magnus dominus et laudabilis nimis in civitate dei nostri in monte sancto ejus

Sancti tui domine mirabile consecuti sunt iter servientes praeceptis tuis ut invenirentur illaesi in aquis validis terra apparuit arida et in mari Rubro via sine impedimento

Quoniam percussit petram et fluxerunt aquae et torrentes inundaverunt

Verbera carnificum non timuerunt sancti dei morientes pro Christi nomine ut heredes fierent in domo domini

Tradiderunt corpora sua ad supplicia propter dominum

Gloria patri et filio et spiritui sancto

Dabo sanctis meis locum nominatum in regno patris mei dicit dominus

Sancti estis dicit dominus multiplicabo numerum vestrum ut oretis pro populo meo in loco isto

Via justorum recta facta est et iter sanctorum praeparatum est

Justi autem in perpetuum vivent

Haec est vera fraternitas quae numquam potuit violari certamine qui effuso sanguine secuti sunt dominum contemnentes aulam regiam pervenerunt ad regna caelestia

Ecce quam bonum et quam jucundum habitare fratres in unum

Sancti mei qui in isto saeculo certamen habuistis mercedem laborum ego reddam vobis

Venite benedicti patris mei percipite regnum

Fulgebunt justi sicut lilium et sicut rosae in Jericho florebunt ante dominum

Justi epulentur et exsultent in conspectu dei et delectentur in laetitia

Gloria patri et filio et spiritui sancto

Isti sunt sancti qui pro testamento dei sua corpora tradiderunt et in sanguine agni laverunt stolas suas

Tradiderunt corpora sua propter deum ad supplicia et meruerunt habere coronas perpetuas

Gloria patri et filio et spiritui sancto

Omnes sancti quanta passi sunt tormenta ut securi pervenirent ad palmam martyrii

Cum palma ad regna pervenerunt sancti coronas decoris meruerunt de manu domini

Corpora sanctorum in pace sepulta sunt et vivent nomina eorum in aeternum

Martyres domini dominum benedicite in aeternum

Martyrum chorus laudate dominum de caelis alleluia

Mirabilis deus in sanctis suis

Fulgebunt justi et tamquam scintillae in arundineto discurrent judicabunt nationes et regnabunt in aeternum

Absterget deus omnem lacrimam ab oculis sanctorum et jam non erit amplius neque luctus neque clamor sed nec ullus dolor quoniam priora transierunt

Sanctum est verum lumen et admirabile ministrans lucem his qui permanserunt in agone certaminis recipiunt ab ipso splendorem sempiternum in quo assidue felices laetantur