Ne reminiscaris domine delicta mea vel parentum meorum neque vindictam sumas de peccatis meis

Adonai domine deus magne et mirabilis qui dedisti salutem in manu feminae exaudi preces servorum tuorum

Domine rex omnipotens libera nos propter nomen tuum et da nobis locum paenitentiae

Peto domine ut de vinculo improperii hujus absolvas me aut certe desuper terram eripias me ne reminiscaris delicta mea vel parentum meorum neque vindictam sumas de peccatis meis quia eruis sustinentes te domine

Omnia enim judicia tua justa sunt et omnes viae tuae misericordia et veritas et nunc domine memento mei

Omni tempore benedic deum et pete ab eo ut vias tuas dirigat et omni tempore consilia tua in ipso permaneant

Memor esto fili quoniam pauperem vitam gerimus habebis multa bona si timueris deum

Memor esto fili quoniam pauperem vitam gerimus habebis multa bona si timueris deum

Fiducia magna erit coram summo deo eleemosyna omnibus facientibus eam

Sufficiebat nobis paupertas nostra ut divitiae computarentur numquam fuisset pecunia ista pro qua misisti filium nostrum baculum senectutis nostrae

Heu me fili mi ut quid te misimus peregrinari lumen oculorum nostrorum

Benedicite deum caeli et coram omnibus viventibus confitemini ei quia fecit nobiscum misericordiam suam

Tempus est ut revertar ad eum qui me misit vos autem benedicite deum

Tempus est ut revertar ad eum qui me misit vos autem benedicite deum et enarrate omnia mirabilia ejus

Confitemini ei coram omnibus viventibus quia fecit nobiscum misericordiam suam