Gaude et laetare Jerusalem ecce rex tuus venit de quo prophetae praedixerunt quem angeli adoraverunt cui cherubim et seraphim sanctus sanctus sanctus proclamant

Ecce dies veniunt dicit dominus et suscitabo David germen justum et regnabit rex et sapiens erit et faciet judicium et justitiam in terra et hoc est nomen quod vocabunt eum dominus justus noster

In diebus illis salvabitur Juda et Israel habitabit confidenter

Gloria patri et filio et spiritui sancto

Conditor alme*

Rorate caeli desuper et nubes pluant justum R. Aperiatur terra et germinet salvatorem

Ecce nomen domini venit de longinquo et claritas ejus replet orbem terrarum

Miserere*

Veni redemptor*

Emitte agnum*

Veni domine visitare nos in pace ut laetemur coram te corde perfecto

Regem venturum dominum venite adoremus

Scientes quia hora est jam nos de somno surgere nunc enim propior est nostra salus quam cum credidimus nox praecessit dies autem appropinquavit

Ex Sion species decoris ejus

Aspiciens a longe ecce video dei potentiam venientem et nebulam totam terram tegentem ite obviam ei et dicite nuntia nobis si tu es ipse qui regnaturus es in populo Israel

Quique terrigenae et filii hominum simul in unum dives et pauper

Qui regis Israel intende qui deducis velut ovem Joseph

Excita domine potentiam tuam et veni ut salvos facias nos

Gloria patri et filio et spiritui sancto

Aspiciebam in visu noctis et ecce in nubibus caeli filius hominis venit et datum est ei regnum et honor et omnis populus tribus et linguae servient ei

Ecce dominator dominus cum virtute veniet

Missus est Gabriel angelus ad Mariam virginem desponsatam Joseph nuntians ei verbum et expavescit virgo de lumine ne timeas Maria invenisti gratiam apud dominum ecce concipies et paries et vocabitur altissimi filius

Ave Maria gratia plena dominus tecum

Hora est jam nos de somno surgere et apertis oculis cordis surgere ad Christum quia lux vera est fulgens in caelo

Emitte agnum domine*

Ave Maria gratia plena dominus tecum spiritus sanctus superveniet in te et virtus altissimi obumbrabit tibi quod enim ex te nascetur sanctum vocabitur filius dei

Tollite portas principes vestras et elevamini portae aeternales et introibit

Salvatorem exspectamus dominum Jesum Christum qui reformabit corpus humilitatis nostrae configuratum corpori claritatis suae

Praeoccupemus faciem ejus in confessione et in psalmis jubilemus ei

Audite verbum domini gentes et annuntiate illud in finibus terrae et in insulis quae procul sunt dicite salvator noster adveniet

A solis ortu et occasu ab aquilone et mari

Nox praecessit dies autem appropinquabit abiciamus ergo opera tenebrarum et induamur arma lucis sicut in die honeste ambulemus

Egredietur virga de radice Jesse R. Et flos de radice ejus ascendet

Ecce virgo concipiet et pariet filium dicit dominus et vocabitur nomen ejus admirabilis deus fortis

Tollite portas principes vestras et elevamini portae aeternales et introibit

Obsecro domine mitte quem missurus es vide afflictionem populi tui sicut locutus es veni et libera nos

A solis ortu et occasu ab aquilone et mari

Laetentur caeli et exsultet terra jubilate montes laudem quia dominus noster veniet et pauperum suorum miserebitur

Ecce dominator dominus cum virtute veniet

Montes Israel ramos vestros expandite et florete et fructus facite prope est ut veniat dies domini

Laetentur caeli et exsultet terra jubilate montes laudem

In illa die stillabunt montes dulcedinem et colles fluent lac et mel alleluia

Jucundare filia Sion exsulta satis filia Jerusalem alleluia

Ecce dominus veniet et omnes sancti ejus cum eo et erit in die illa lux magna alleluia

Omnes sitientes venite ad aquas quaerite dominum dum inveniri potest alleluia

Ecce veniet propheta magnus et ipse renovabit Jerusalem alleluia

Vox clamantis in deserto R. Parate viam domini rectas facite semitas dei nostri

Spiritus sanctus in te descendet Maria ne timeas habebis in utero filium dei alleluia