Non sit vobis vanum mane surgere ante lucem quia promisit dominus coronam vigilantibus

Beati qui in lege tua jugiter meditantur domine beati qui in te confidentes tibi serviunt in timore de monte sancto tuo nos clemens exaudi ne nos arguas in die furoris tui

Qui salvos facis rectos corde cujus est nomen admirabile de porta mortis nos erue quia confidimus in te domine

In aeternum tu nos serva oculos nostros illumina viam pacis agnoscere teque pavendum invocare qui glorificas omnes te domine timentes

Ecce nunc tempus acceptabile ecce nunc dies salutis commendemus nosmetipsos in multa patientia in jejuniis multis per arma justitiae virtutis dei

In omnibus exhibeamus nosmetipsos sicut dei ministros ut non vituperetur ministerium nostrum

Paradisi portas aperiat nobis jejunii tempus suscipiamus illud ouantes et deprecantes ut in die resurrectionis cum domino gloriemur

Ecce nunc tempus acceptabile ecce nunc dies salutis nemini dantes ullam offensionem

Emendemus in melius quod ignoranter peccavimus ne subito praeoccupati die mortis quaeramus spatium paenitentiae et invenire non possimus attende domine et miserere quia peccavimus tibi

Peccavimus cum patribus nostris injuste egimus iniquitatem fecimus

Gloria patri et filio et spritui sancto

Tribue nobis domine intellectum tibi benedicere ut mereamur adimpleri laetitia vultus tui

Inclina aurem tuam domine et exaudi nos qui salvos facis sperantes in te

Virtus nostra domine deus vera lux aeterna salus esto refugium nobis in die nostrae afflictionis

Cadent a latere tuo mille

In jejunio et fletu orabant sacerdotes dicentes parce domine parce populo tuo et ne des hereditatem tuam in perditionem

Inter vestibulum et altare plorabant sacerdotes dicentes

In omnibus exhibeamus nos sicut dei ministros in multa patientia ut non vituperetur ministerium nostrum

Ecce nunc tempus acceptabile ecce nunc dies salutis nemini dantes ullam offensionem

Abscondite eleemosynam in sinu pauperis et ipsa orat pro vobis ad dominum quia sicut aqua extinguit ignem ita eleemosyna extinguit peccatum

Honora dominum de tua substantia et de primitiis frugum tuarum da pauperibus

Scindite corda vestra et non vestimenta vestra et convertimini ad dominum deum vestrum quia benignus et misericors est

Avertatur unusquisque a via sua mala et a pessimis cogitationibus suis

Gloria patri et filio et spiritui sancto

Legis tuae domine testimonio nos converte ut tuis illuminati praeceptis a nostris mundemur occultis et ab alienis

Exaudi nos in die qua invocaverimus nomen tuum domine

Praeveni nos domine caelesti benedictione ut in tua virtute sperantes et in tua pietate laetantes mereamur consequi promissum beatae immortalitatis praemium

Clamabit ad me et ego exaudiam eum

Tribularer si nescirem misericordias tuas domine tu dixisti nolo mortem peccatoris sed ut convertatur et vivat qui Chananaeam et publicanum vocasti ad paenitentiam

Et Petrum lacrimantem suscepisti misericors domine

Angelis suis mandavit de te ut custodiant te in omnibus viis tuis in manibus portabunt te ne unquam offendas ad lapidem pedem tuum

Super aspidem et basiliscum ambulabis et conculcabis leonem et draconem

Ductus est Jesus in desertum a spiritu ut tentaretur a diabolo et accedens tentator dixit ei si filius dei es dic ut lapides isti panes fiant

Et cum jejunasset quadraginta diebus et quadraginta noctibus postea esuriit

Gloria patri et filio et spiritui sancto

Cor mundum crea in me deus et spiritum rectum innova in visceribus meis

O domine salvum me fac o domine bene prosperare

Sic benedicam te in vita mea domine et in nomine tuo levabo manus meas

In spiritu humilitatis et in animo contrito suscipiamur domine a te ut sic fiat sacrificium nostrum ut a te suscipiatur hodie ut placeat tibi domine deus

Laudate deum caeli caelorum et aquae omnes

Domine refugium factus es nobis

Ductus est Jesus in desertum a spiritu ut tentaretur a diabolo et cum jejunasset quadraginta diebus et quadraginta noctibus postea esuriit

Non in solo pane vivit homo sed in omni verbo dei

Vade Satanas non tentabis dominum deum tuum

Participem me fac deus omnium timentium te et custodientium mandata tua

Aspice in me et miserere mei secundum judicium diligentium nomen tuum

Gloria patri et filio et spiritui sancto

Dicet domino susceptor meus es tu R. Et refugium meum deus meus sperabo in eum

Dominum deum tuum adorabis et illi soli servies

Ab omni via mala prohibui pedes meos ut custodiam mandata tua domine

A judiciis tuis non declinavi quia tu legem posuisti mihi

Gloria patri et filio et spiritui sancto

Ipse liberabit me de laqueo venantium R. Et a verbo aspero

Reliquit eum tentator et accesserunt angeli et ministrabant ei

Spes mea ut su*

Scapulis suis obumbrabit tibi R. Et sub pennis ejus sperabis

Jesus autem cum jejunasset quadraginta diebus et quadraginta noctibus postea esuriit