Tuis laudibus instantem clementer respice plebem et in conspectu dei sancte Georgi memento nostri alleluia

Martyr*

Gloria et honore coronasti eum domine alleluia

In deo salutari nostro exsultent spiritus justorum quia respexit humilitatem illorum et suscepit Israel puerum suum in beato Georgio martyre recordatus misericordiae suae alleluia

Regem regum adoremus dominum qui beatum Georgium coronavit per martyrium alleluia

Beatus Georgius in consilio impiorum non abiit sed in lege domini voluntas ejus fuit alleluia

Adversus Christum domini convenerunt in unum impii qui in monte Sion constitutus a deo servivit illi in timore sancto alleluia

Tribulantes multiplicati sunt adversus sanctum domini qui milia populi circumdantis se non timuit alleluia alleluia

Gloria et honore coronasti eum domine alleluia

Tempore illo christianorum maxima persecutio orta est et sanguis martyrum in circuitu Jerusalem velut aqua effusus est inter quos beatus Georgius effulsut fidei puritate conspicuus alleluia

Mirabilis dominus in sanctis ejus

Sanctus Georgius tormentorum videns genera diversa parari constanter accessit et laetus sustinuit supplicia mortis alleluia

Erat enim Christo devotus et ad caelestia semper intentus

O per omnia virum laudabilem qui per vitae meritum consortium meruit angelorum et per palmam martyrii adeptus est coronam regni alleluia

Quousque truncaretur capite viriliter certando

Gloria patri et filio et spiritui sancto

Mirabilis dominus in excelsis coronavit martyrem suum in longitudine dierum alleluia

Atria ejus in hymnis ingressus martyr dei pretiosus laudat nomen ejus alleluia

Labia justi laudabunt deum in vita sua alleluia et ideo dextera sua suscepit eum alleluia

Anime justorum benedicite dominum et collaudate eum in beatitudine alleluia

Omnis spiritus in excelsis laudet dominum qui hodie gaudium auxit angelorum et peccatoribus concessit suffragium alleluia

In domo David pueri sui erexit dominus cornu salutis per viscera misericordiae suae visitans sanctos suos de quorum collegio beatum hodie Georgium gaudiis sociavit angelorum alleluia

Deus in nomine tuo beatus Georgius immaculatus in via ambulabat et tu retribuisti praemia catholicae fidei alleluia

Legem ponens domine memor esto verbi tui servo tuo in quo mihi spem dedisti alleluia

In verbum tuum supersperavit anima justi alleluia et lucerna pedibus ejus tu fuisti alleluia

Gressus domine justi tu direxisti et diligenti te pacem multam tu dedisti alleluia

Egregius dei martyr Georgius in omnibus quae fecit per illum dominus quia quaesivit sibi invenit coronam aeternalem quam repromisit deus hiis qui diligunt eum ideoque et nos supplices deposcimus ut ejus interventu gaudio in caelis perfrui mereamur alleluia

Egregius*