Viri vere portendentes principes ecclesiae verbum vitae continentes disperguntur hodie

A se vadunt non divisi quibus unus spiritus ab aeterno sic provisi sic electi caelitus

Hi bis seni fide pleni semina justitiae dum dispensant recompensant fuctibus laetitiae

Semen sanctum verbum dei quia duris mentibus repulerunt sunt Judaei relicti sub sentibus

Gaudent gentes attendentes fidei doctrine error cedit et oboedit gratiae divine

Christi testes et amici nimis honorati super omnem inimici nimis confortati merito virtutem caelum claudunt reserant verbo ligant liberant verbo dant salutem

Quorum linguae caeli claves pia prece nostros graves excessus operiant et nobis aperiant ad vitam ingressus

Gloria patri et filio et spiritui sancto

Mira dei gratia dispersis apostolis per terrarum spatia gloriosae sobolis collegit ecclesiam et sic idolatriam fidei subegit

Coruscante fidei luce per apostoles testes veritatis infidelitatis tenebrae fugerunt et gentes viderunt salutare dei

In apostolorum exsultemus gaudiis et in psalmis jubilemus regi saeculorum

In messem discipulos deus sator omnium mittit ut manipulos referant fidelium

Ibant flentes et cum luctu semina mittebant veniebant et cum fructu gaudia metebant

Hi sunt fontes populum in helym potantes nobis rite poculum vite propinantes

Romam Petrus consecravit Paulum habens socium una dies ambos stravit quos in unum copulavit fidei negotium

Locus his pro gloria dies est pro merito tyrannus pro victoria

Andreas vir mitissimus et crucis amator gaudet in supplicio Christi sine vitio verus imitator

Sic respondens vocabulo populum docebat pendens in patibulo

Filii tonitrui meruere cernui faciem videre Christi tansformati in fugurae speciem gloriae futurae

Jacobus in gladio triumphator caesus Joannes in dolio dolore non laesus

Gloria patri et filio et spiritui sancto

His innixa fundamentis surrexit ecclesia et imbuta sacramentis profecit in gratia

Isti sunt leunculi throni salomonis qui in suis singuli sunt sessuri thronis

Ut leonum rugiet fremitus eorum dum in malos sevi et vox judiciorum

Thomas vere jam non nutans nec a deo fidem mutans gentibus salutem praedicavit et monstravit fidei virtutem

Declarando veritatem quam palpando majestatem et vidit et credidit

Jacobus Alphaei vultu frater dei merito succedit fratris pontificio Philippus in filio patrem esse credit

Ad eunuchum spiritu jubente conscendens et quem in propheta legerat ostendens

Indis Christum indicans et baptismi gratiam Bartholomaeus praedicans fidei justitiam gentibus ostendit et eas a daemonum cultura suspendit

Aquis paenitentiae flebiles emundans fructibus justitiae steriles fecundans

Gloria patri et filio et spiritui sancto

His alumnis nos nutriti fidei doctrinis his columnis stabiliti vitae disciplinis

Hi vere duodecim cophini fuerunt qui fragmenta litere spiritu legerunt

Quibus dum gentilitas pasta convalescit judaeorum caecitas misere tabescit

Ad apostolatus gratiam vocatus levi thronum meruit dum statim deservit statum quem habuerat ab eo quod fuerat subito mutatus

Mutatos Aethiopes fide vestit gratiae fonte de albatos

Simon Chananaeus virtutis zelator cor culus Thaddaeus cordis habitator cultor castitatis gloriosi facti sunt testes veritatis

Agonistae fidei et cognati sanguinis et amici dei

Dono dei nobis datus loco proditoris est Matthias subrogatus nam locus honoris honor loci hunc decebat quem sors signo preferebat meriti majoris

Juste talis est electus ut sacrati compleretur numeri defectus

Gloria patri et filio et spiritui sancto

Patriarchae veteris populi parentes hos in typo posteris erant praetendentes

Ut ex illis plurimi carne propagati sic ex his in numeri spiritu renati

Hi sunt boves aeneum mare supportantes baptismi mysterium mundo praedicantes

Ad versanda gentium corda destinatis jugum est impositum suave caritatis

Missi contumeliis fortiter affecti gaudent Christi similes taliter effecti

Electos ecclesiae architectos hodie dominus divisit et in viam misit gentium ut gratis fundamenta jaciant et ut opus faciant novae civitatis

Juravit*

Duodenae margaritae portae nobis facti vitae fidei doctrina dum de mundo vos elegit et a carne vos abegit gratia divina quaesumus devote memorum vestrorum in forte justorum memores estote

Gloria patri et filio et spiritui sancto

Gloria patri et filio et spiritui sancto

Gloria patri et filio et spiritui sancto

Gloria patri et filio et spiritui sancto

Gloria patri et filio et spiritui sancto

Gloria patri et filio et spiritui sancto